ശനിയാഴ്ചത്തെ 11 ട്രെയിനുകള്‍ റദ്ദാക്കി
By സമകാലിക മലയാളം ഡെസ്‌ക്‌ | Published: 19th January 2020 07:23 AM |
Last Updated: 19th January 2020 07:23 AM | A+A A- |
തിരുവനന്തപുരം: ചെങ്ങന്നൂര്‍ – തിരുവല്ല സെക്ഷനില്‍ റെയില്‍വേ പാലത്തിന്റെ നവീകരണം നടക്കുന്നതിനാല്‍ 25ന് കൊല്ലം– കോട്ടയം– എറണാകുളം പാതയില്‍ മെമു, പാസഞ്ചര്‍ ഉള്‍പ്പെടെ 11 ട്രെയിനുകള്‍ റദ്ദാക്കി.
കൊല്ലം – കോട്ടയം (66318), കോട്ടയം – കൊല്ലം (66317), കോട്ടയം വഴിയുള്ള എറണാകുളം– കൊല്ലം (66307), കോട്ടയം വഴിയുള്ള കൊല്ലം – എറണാകുളം (66308), ആലപ്പുഴ വഴിയുള്ള എറണാകുളം– കായംകുളം (66315), ആലപ്പുഴ വഴിയുള്ള കായംകുളം– എറണാകുളം (66316), കോട്ടയം വഴിയുള്ള എറണാകുളം – കായംകുളം (56387) എന്നീ മെമു ട്രെയിനുകളും കോട്ടയം വഴിയുള്ള കായംകുളം– എറണാകുളം (56388), ആലപ്പുഴ വഴിയുള്ള കായംകുളം– എറണാകുളം (56380), എറണാകുളം – ഷൊര്‍ണൂര്‍ (56364), ഷൊര്‍ണൂര്‍ – എറണാകുളം (56361) എന്നീ പാസഞ്ചര്‍ ട്രെയിനുകളുമാണു റദ്ദാക്കിയത്.
25നുള്ള നാഗര്‍കോവില്‍ – മംഗളൂരു പരശുറാം (16650), തിരുവനന്തപുരം– ഹൈദരാബാദ് ശബരി (17229), കന്യാകുമാരി– മുംബൈ സിഎസ്ടി (16382), തിരുവനന്തപുരം – ന്യൂഡല്‍ഹി കേരള (12625), കന്യാകുമാരി – ബെംഗളൂരു ഐലന്‍ഡ് (16525), തിരുവനന്തപുരം – ചെന്നൈ മെയില്‍(12624) എന്നീ പ്രതിദിന എക്‌സ്പ്രസ് ട്രെയിനുകളും കൊച്ചുവേളി– ശ്രീഗംഗാനഗര്‍ പ്രതിവാര എക്‌സ്പ്രസ് ട്രെയിനും (16312) കായംകുളത്തു നിന്നും എറണാകുളം ടൗണില്‍ നിന്നും ആലപ്പുഴ വഴി തിരിച്ചുവിടും. ഇവയ്ക്കു ഹരിപ്പാട്, അമ്പലപ്പുഴ, ആലപ്പുഴ, ചേര്‍ത്തല എന്നീ സ്‌റ്റേഷനുകളില്‍ സ്‌റ്റോപ്പുണ്ടാകും.
അന്നത്തെ തിരുവനന്തപുരം – ചെന്നൈ സൂപ്പര്‍ ഫാസ്റ്റ് (12696) 35 മിനിറ്റും നാഗര്‍കോവില്‍ – കോട്ടയം പാസഞ്ചര്‍ (56304) ഒന്നേകാല്‍ മണിക്കൂറും ചെങ്ങന്നൂരില്‍ നിര്‍ത്തിയിടുമെന്നും റെയില്‍വേ അറിയിച്ചു.
