തിരുവനന്തപുരം: സൗദിയിലെ നഴ്‌സുമാര്‍ക്ക് സുരക്ഷയൊരുക്കാന്‍ നോര്‍ക്ക വഴി ഇടപെടല്‍ നടത്തിയെന്ന് ആരോഗ്യമന്ത്രി കെ കെ ശൈലജ. നഴ്‌സുമാരെ ഇപ്പോള്‍ കേരളത്തിലേക്കെത്തിക്കുന്നത് അവരുടെ ആരോഗ്യത്തിന് ഗുണം ചെയ്യില്ല. വൈറസ് ബാധയുടെ പശ്ചാത്തലത്തില്‍ കേരളത്തില്‍ ജാഗ്രതാ നടപടികള്‍ സ്വീകരിച്ചതായും ശൈലജ പറഞ്ഞു.
വൈറസ് ബാധയുടെ സൂചനകള്‍ കണ്ടാല്‍ മറച്ചുവെയ്ക്കരുത്. ജനങ്ങള്‍ ആരോഗ്യവകുപ്പുമായി സഹകരിക്കണമെന്നും നിപ പോലെ ആശങ്കപ്പെടേണ്ട സാഹചര്യമില്ലെന്നും മന്ത്രി കൂട്ടിച്ചേര്‍ത്തു.
അതേസമയം സൗദി അറേബ്യയിലെ അസിര്‍ അബാ അല്‍ ഹയാത്ത് ആശുപത്രിയിലെ നേഴ്‌സുമാര്‍ക്ക് കൊറോണ വൈറസ് ബാധയുണ്ടായ സംഭവം ഗൗരവമായി കണ്ട് നടപടി സ്വീകരിക്കണമെന്ന് മുഖ്യമന്ത്രി പിണറായി വിജയന്‍ കേന്ദ്ര വിദേശകാര്യമന്ത്രി എസ് ജയശങ്കറിന് അയച്ച കത്തില്‍ അഭ്യര്‍ത്ഥിച്ചു.
സൗദി സര്‍ക്കാരുമായി ബന്ധപ്പെട്ട് രോഗബാധയുള്ളവര്‍ക്ക് വിദഗ്ധ ചികിത്സയും സംരക്ഷണവും ഉറപ്പുവരുത്തുന്നതുള്‍പ്പെടെയുള്ള നടപടികള്‍ സ്വീകരിക്കണമെന്ന് മുഖ്യമന്ത്രി ആവശ്യപ്പെട്ടു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
