കെപിസിസിക്ക് അച്ചടക്ക സമിതി വരുന്നു; മുരളീധരനോട് സഹതാപം മാത്രമെന്ന് മുല്ലപ്പള്ളി

തി​രു​വ​ന​ന്ത​പു​രം: കോൺ​ഗ്രസിൽ അച്ചടക്ക ലംഘനം അനുവദിക്കാനാവില്ലെന്നും ഇക്കാര്യം പരിശോധിക്കാൻ അ​ച്ച​ട​ക്ക സ​മി​തി രൂ​പീ​ക​രി​ക്കു​മെ​ന്നും കെപിസിസി പ്രസിഡന്റ് മു​ല്ല​പ്പ​ള്ളി രാ​മ​ച​ന്ദ്ര​ൻ. എ​ത്ര ഉ​ന്ന​ത​രാ​യാ​ലും അ​ച്ച​ട​ക്ക​ത്തി​ന്‍റെ ല​ക്ഷ്മ​ണ​രേ​ഖ മ​റി​ക​ട​ക്കാ​ൻ അ​നു​വ​ദി​ക്കി​ല്ല. സ​മൂ​ഹ​മാ​ധ്യ​മ​ങ്ങ​ളി​ലെ ഇ​ട​പെ​ട​ലു​ക​ളും അ​ച്ച​ട​ക്ക​സ​മി​തി സൂ​ക്ഷ്മമാ​യി പ​രി​ശോ​ധി​ക്കു​മെ​ന്നും മുല്ലപ്പള്ളി വാ​ർ​ത്താ​സ​മ്മേ​ള​ന​ത്തി​ൽ പ​റ​ഞ്ഞു.

കെപിസിസി പുനസംഘടനയുടെ പേരിൽ തന്നെ വിമർശിക്കുന്ന കെ മുരളീധരനോട് സഹതാപമാണുള്ളതെന്ന് മുല്ലപ്പള്ളി പറഞ്ഞു. രാഷ്ട്രീയകാര്യ സമിതി ചേരുന്നില്ലെന്നാണ് വിമർശനം. താ​ൻ കെ​പി​സി​സി അ​ധ്യ​ക്ഷ​നാ​യി​ട്ട് 16 മാ​സ​മാ​യി. ഇ​തി​നി​ടെ 12 ത​വ​ണ രാ​ഷ്ട്രീ​യ​കാ​ര്യ സ​മി​തി ചേ​ർ​ന്നി​ട്ടുണ്ട്. ഒ​ക്ടോ​ബ​റി​ലാ​ണ് അ​വ​സാ​ന​മാ​യി രാ​ഷ്ട്രീ​യ​കാ​ര്യ സ​മി​തി ചേ​ർ​ന്ന​ത്. അ​തി​നു​ശേ​ഷം പാ​ർ​ല​മെ​ന്‍റ് സ​മ്മേ​ളം, നി​യ​മ​സ​ഭാ സ​മ്മേ​ളനം, മറ്റു പ്രതിഷേധ സമരങ്ങൾ എല്ലാ വന്നു. പ്രവർത്തിക്കുന്ന കോൺ​ഗ്രസുകാരെല്ലാം തെരുവിലാണ്. അതുകൊണ്ടാണ് സമിതി ചേരാനാവാതിരുന്നത്. മറ്റുള്ളവരുടെ കാര്യം തനിക്കറിയില്ലെന്ന് മുല്ലപ്പള്ളി പറഞ്ഞു. 

എൽഡിഎഫ് സംഘടിപ്പിച്ച മനുഷ്യശൃംഖലയിൽ ആത്മാഭിമാനമുള്ള കോൺ​ഗ്രസ് പ്രവർത്തകർ പങ്കെടുത്തിട്ടുണ്ടാവില്ലെന്ന്, ചോദ്യത്തിനു മറുപടിയായി മുല്ലപ്പള്ളി പറഞ്ഞു. 

പിന്നാക്ക പ്രാതിനിധ്യം കണക്കിലെടുത്താണ് മോഹൻ ശങ്കറിനെ പുനസംഘടനയിൽ ഉൾപ്പെടുത്തിയത്. മോഹൻ ശങ്കർ പാർട്ടിക്കു മുതൽക്കൂട്ടാണ്. 
ർട്ടിയിൽ പരസ്യവിമർശനം അനുവദിക്കില്ല. കെപിസിസി പുനസംഘടനയ്ക്കെതിരെ പരസ്യമായി വിമർശനം ഉന്നയിച്ച ലതികാ സുഭാഷിൽനിന്ന് വിശദീകരണം തേടും. 

ഗ​വ​ർ​ണ​ർ ആ​രി​ഫ് മു​ഹ​മ്മ​ദ് ഖാ​ന്‍റെ ന​ട​പ​ടി​ക​ൾ ഫെ​ഡ​റ​ൽ സം​വി​ധാ​ന​ത്തി​ന് ചേ​ർ​ന്ന​ത​ല്ലെ​ന്നു മുല്ലപ്പള്ളി വിമർശിച്ചു. രാ​ഷ്ട്രീ​യ പ്ര​സം​ഗം എ​ന്ന രീ​തി​യി​ലാ​ണ് അ​ദ്ദേ​ഹം മാ​ധ്യ​മ​പ്ര​വ​ർ​ത്ത​ക​രോ​ട് സം​സാ​രി​ക്കു​ന്ന​ത്. ഇ​ത് അം​ഗീ​ക​രി​ക്കാ​നാ​വി​ല്ലെ​ന്നും മുല്ലപ്പള്ളി കൂട്ടിച്ചേർത്തു.