തിരുവനന്തപുരം : ഈ മാസം അവസാനം നിയമസഭാ സമ്മേളനം ചേരും. ധനകാര്യ ബില്ലുകള്‍ പാസ്സാക്കുന്നതിനായാണ് നിയമസഭ ചേരുന്നത്. ഒരു ദിവസമാകും സഭ സമ്മേളിക്കുക.
കക്ഷിനേതാക്കളുമായി സ്പീക്കര്‍ പി ശ്രീരാമകൃഷ്ണന്‍ നടത്തിയ ചര്‍ച്ചയിലാണ് തീരുമാനം. കോവിഡ് വ്യാപനത്തിന്റെ പശ്ചാത്തലത്തില്‍ സാമൂഹിക അകലം അടക്കമുള്ള മാനദണ്ഡങ്ങള്‍ പാലിച്ചാകും സമ്മേളനം ചേരുക.
സഭാ സമ്മേളനത്തിന്റെ തീയതി അടുത്ത മന്ത്രിസഭായോഗം തീരുമാനിക്കും. കോവിഡ് വ്യാപനത്തെത്തുടര്‍ന്നാണ് നിയമസഭ സമ്മേളനങ്ങള്‍ നേരത്തെ ഒഴിവാക്കിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
