തൃശൂര്: പെരിങ്ങല്കുത്ത് ഡാമില് ജലനിരപ്പ് ഉയര്ന്ന് 417 മീറ്റര് ആയതിനെ തുടര്ന്ന് ജില്ലാ ദുരന്ത നിവാരണ അതോറിറ്റി ചെയര്മാനായ ജില്ലാ കലക്ടര് ബ്ലൂ അലര്ട്ട് പ്രഖ്യാപിച്ചു. ഞായറാഴ്ച രാവിലെ 9 മണിക്ക് 417.45 ആണ് ജലനിരപ്പ്. ജലനിരപ്പ് 418 മീറ്ററായാല് ഓറഞ്ച് അലര്ട്ടും 419.4 മീറ്ററായാല് റെഡ് അലര്ട്ടും പ്രഖ്യാപിക്കും.
419.4 മീറ്ററായാല് ഡാമില്നിന്ന് വെള്ളം ചാലക്കുടി പുഴയിലേക്ക് ഒഴുകും. ഓറഞ്ച് അലര്ട്ട് പ്രഖ്യാപിച്ചാല് ജനങ്ങള് പുഴയില് മീന് പിടിക്കാനോ കുളിക്കാനോ ഇറങ്ങരുതെന്നും വഞ്ചിയോ ചങ്ങാടമോ മറ്റോ ഇറക്കരുതെന്നും ജില്ലാ ദുരന്ത നിവാരണ അതോറിറ്റി അറിയിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ