കൊല്ലം: കൊട്ടാരക്കരയില്‍ വിദേശത്ത് നിന്ന് എത്തി നിരീക്ഷണത്തില്‍ കഴിഞ്ഞിരുന്ന യുവാവ് മരിച്ചു.കോവിഡ് നിര്‍ണയത്തിന്റെ ഭാഗമായി യുവാവിന്റെ സ്രവം പരിശോധനയ്ക്ക് അയച്ചു. കോവിഡ് പ്രോട്ടോക്കോള്‍ അനുസരിച്ച് പരിശോധനാ ഫലം വന്നശേഷം മാത്രമേ മറ്റ് നടപടികള്‍ സ്വീകരിക്കൂ.
ദുബായില്‍ നിന്നെത്തിയ നെടുവത്തൂര്‍ സ്വദേശി മനോജാണ് മരിച്ചത്. പുത്തൂരിലാണ് ഇയാള്‍ നിരീക്ഷണത്തില്‍ കഴിഞ്ഞിരുന്നത്. കൊല്ലത്ത് ഇന്നലെ 11 പേര്‍ക്കാണ് കോവിഡ് സ്ഥിരീകരിച്ചത്. 10 പേര്‍ രോഗമുക്തി നേടുകയും ചെയ്തു.നിലവില്‍ ജില്ലയില്‍ 157 പേരാണ് വിവിധ ആശുപത്രികളിലായി ചികിത്സയില്‍ കഴിയുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
