കാസര്കോട് ജെഡിഎസ് നേതാവിന് കോവിഡ് ; എല്ഡിഎഫ് നേതാക്കള് നിരീക്ഷണത്തില്
കാസര്കോട്: കാസര്കോട് ജില്ലയില് ജനതാദള് എസ് നേതാവിന് കോവിഡ് സ്ഥിരീകരിച്ചു. കുഞ്ചത്തൂര് സ്വദേശിയായ ഡോക്ടര്ക്കാണ് കോവിഡ് സ്ഥിരീകരിച്ചത്. ജൂലൈ 11 ന് ഇയാള് എല്ഡിഎഫ് യോഗത്തില് പങ്കെടുത്തിരുന്നു. ഇതേത്തുടര്ന്ന് ജില്ലയിലെ ഇടതുമുന്നണി നേതാക്കള് നിരീക്ഷണത്തിലാണ്.
ജില്ലയിലെ സിപിഎം, സിപിഐ നേതാക്കളുടെ കോവിഡ് ടെസ്റ്റ് നടത്തി വരികയാണ്. പരിശോധന നടത്തി ഫലം നെഗറ്റീവായെന്ന് സിപിഎം ജില്ലാ സെക്രട്ടറി അറിയിച്ചു.
അതിനിടെ, കണ്ണൂര് പരിയാരം മെഡിക്കല് കോളേജ് ആശുപത്രിയിലെ ഒരു മെഡിക്കല് ഡോക്ടറും പിജി സ്റ്റുഡന്റിനും കോവിഡ് ലക്ഷണങ്ങളുണ്ടായി. ഇതോടെ ആശുപത്രിയിലെ 50 ആരോഗ്യപ്രവര്ത്തകരെ നിരീക്ഷണത്തിലാക്കി. മെഡിക്കല് ഓഫീസറുടെയും പിജി സ്റ്റുഡന്റിന്റെയും അന്തിമ പരിശോധന ഫലം ഇന്ന് വൈകിട്ടോടെ ലഭിക്കും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ