തിരുവനന്തപുരത്ത് ഒരു പൊലീസുകാരന് കൂടി കോവിഡ്
തിരുവനന്തപുരം: തിരുവനന്തപുരം ജില്ലയില് ഒരു പൊലീസുകാരന് കൂടി കോവിഡ് സ്ഥിരീകരിച്ചു. കന്റോണ്മെന്റ് സ്റ്റേഷനിലെ പൊലീസുകാരനാണ് കോവിഡ് സ്ഥിരീകരിച്ചത്. മലയന്കീഴ് സ്വദേശിയായ അസിസ്റ്റന്റ് സ്റ്റേഷന് റൈറ്ററാണ് രോഗബാധിതന്.
വട്ടിയൂർകാവ് സ്റ്റേഷനിലും ഒരു പൊലീസുകാരന് ഇന്ന് കോവിഡ് സ്ഥിരീകരിച്ചിരുന്നു. ഇതേ തുടർന്ന് എസ്.എച്ച്.ഒ ഉൾപ്പെടെ അഞ്ചു പൊലീസുകാർ നിരീക്ഷണ കേന്ദ്രത്തിൽ. വട്ടിയൂർക്കാവ് പൊലീസ് സ്റ്റേഷനിലെ ക്രൈം വിഭാഗത്തിൽ ജോലി ചെയ്യുന്ന നെടുമങ്ങാട് സ്വദേശിക്കാണ് ശനിയാഴ്ച രാത്രി കോവിഡ്-19 സ്ഥിരീകരിച്ചത്.
ഒരാഴ്ച മുമ്പ് ഇദ്ദേഹം എയർപോർട്ടിൽ ജോലി ചെയ്തിരുന്നു. ഇതിനു ശേഷം സ്റ്റേഷനിലെത്തി ജോലി തുടർന്നു. ദിവസങ്ങൾക്കുമുമ്പ് ലക്ഷണങ്ങൾ കണ്ടതിനെത്തുടർന്ന് ജനറൽ ആശുപത്രിയിൽ പരിശോധന നടത്തിയ ശേഷം വീട്ടിൽ നിരീക്ഷണത്തിൽ കഴിയുകയായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ