മരം വെട്ടുന്നതിന് ഇടയില്‍ നടുവെട്ടി, 40 മീറ്റര്‍ മുകളില്‍ കുടുങ്ങി കിടന്നത് മണിക്കൂറുകളോളം

കുമരകം: മരം വെട്ടുന്നതിന് ഇടയില്‍ നടുവെട്ടിയ വ്യക്തി മരത്തിന് മുകളില്‍ കുടുങ്ങി കിടന്നത് അരമണിക്കൂറോളം. 40 അടി ഉയരമുള്ള മരത്തില്‍ നിന്ന് ഇയാളെ താഴെ ഇറക്കാന്‍ ഫയര്‍ഫോഴ്‌സിന്റെ സഹായം തേടേണ്ടി വന്നു. 

ചെങ്ങളം അയ്യമാത്ര പാലത്തിന് തെക്ക് തുമ്പേക്കളം സാബു(54) ആണ് മരത്തില്‍ കുടുങ്ങിയത്. അഗ്നരക്ഷാസേനാംഗങ്ങള്‍ വലയ്ക്കുള്ളിലിരുത്തിയാണ് ഇയാളെ താഴെ ഇറക്കിയത്. തിങ്കളാഴ്ച രാവിലെ 10.30ടെയാണ് സംഭവം. 

മരത്തിന്റെ ശിഖരം വെട്ടുന്നതിന് ഇടയിലാണ് നടുവെട്ടല്‍ അനുഭവപ്പെട്ടത്. കയ്യിലുണ്ടായിരുന്ന കയര്‍ കൊണ്ട് ശരീരം മരത്തോട് ചേര്‍ത്ത് വെച്ച് കെട്ടി ഫയര്‍ഫോഴ്‌സ് എത്തുന്നത് വരെ രണ്ട് ശിഖരങ്ങള്‍ക്കിടയിലാണ് സാബു കമഴ്ന്നു കിടന്നു.