പാലക്കാട്: ജില്ലയില് ഇന്ന് 46 പേര്ക്ക് കോവിഡ് 19 സ്ഥിരീകരിച്ചു. 34 പേര് രോഗമുക്തരായി. കോവിഡ് വ്യാപനം അതിരൂക്ഷമായ പട്ടാമ്പിയില് ആന്റിജന് ടെസ്റ്റ് പരിശോധനയിലൂടെ 36 പേര്ക്ക് രോഗബാധ സ്ഥിരീകരിച്ചു. പട്ടാമ്പി സ്വദേശികളായ 21 പേര്, കുലുക്കല്ലൂര് സ്വദേശികളായ അഞ്ച് പേര്, ഓങ്ങല്ലൂര് സ്വദേശികളായ നാല് പേര്, തിരുമിറ്റക്കോട്, മുതുതല, പട്ടിത്തറ, ഷോര്ണൂര്, വല്ലപ്പുഴ, വിളയൂര് സ്വദേശികള് ഒരാള് എന്നിങ്ങനെയാണ് പട്ടാമ്പിയില് രോഗം സ്ഥിരീകരിച്ചവരുടെ വിവരം.
പട്ടാമ്പിയില് 565 പേരില് നടത്തിയ പരിശോധനയിലാണ് 36 പേര്ക്ക് രോഗം കണ്ടെത്തിയത്. ഇതോടെ ജില്ലയില് ചികിത്സയിലുള്ളവരുടെ എണ്ണം 307 ആയി. ജില്ലയില് ചികിത്സയില് ഉള്ളവര്ക്ക് പുറമേ പാലക്കാട് ജില്ലക്കാരായ രണ്ടുപേര് വീതം മലപ്പുറം, ഇടുക്കി, എറണാകുളം ജില്ലകളിലും ഒരാള് കണ്ണൂരിലും ചികിത്സയിലുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ