ജനറൽ ആശുപത്രിയിലെ ഡോക്ടർക്കും ആരോ​ഗ്യപ്രവർത്തകർക്കും കോവിഡ്; പത്തനംതിട്ടയിൽ 49 കേസുകളിൽ 32പേർക്കും സമ്പർക്ക വഴി രോ​ഗം

പത്തനംതിട്ട: ജില്ലയിൽ ഇന്ന് 49 പേർക്കാണ് കോവിഡ് ബാധ സ്ഥിരീകരിച്ചത്. 32 പേർക്ക് സമ്പർക്കത്തിലൂടെയാണ് വൈറസ് ബാധയുണ്ടായത്. രോ​ഗബാധിതരിൽ ഡോക്ടറും ആരോ​ഗ്യപ്രവർത്തകരും ഉൾപ്പെടും.

അടൂർ ജനറൽ ആശുപത്രിയിലെ ഒരു ഡോക്ടർക്കും മൂന്ന് ആരോ​ഗ്യപ്രവർത്തകർക്കും കോവിഡ് ബാധ കണ്ടെത്തിയിട്ടുണ്ട്. ഇവിടെയെത്തിയ അഞ്ച് രോ​ഗികൾക്കും വൈറസ് ബാധ സ്ഥിരീകരിച്ചിട്ടുണ്ട്.

ജില്ലയിൽ ഇന്ന് 38 പേർ രോ​ഗമുക്തരായത് ആശ‌്വാസം പകരുന്നതാണ്.