പാലത്തായി പീഡനക്കേസ്; തുടരന്വേഷണം നടത്താന്‍ കോടതി ഉത്തരവ്

പാലത്തായിയില്‍ ഒന്‍പത് വയസുകാരിയെ പീഡിപ്പിച്ച കേസില്‍ തുടരന്വേഷണം നടത്താന്‍ തലശേരി അഡീഷണല്‍ സെഷന്‍സ് കോടതി ഉത്തരവിട്ടു.
പാലത്തായി പീഡനക്കേസ്; തുടരന്വേഷണം നടത്താന്‍ കോടതി ഉത്തരവ്

കണ്ണൂര്‍: പാലത്തായിയില്‍ ഒന്‍പത് വയസുകാരിയെ പീഡിപ്പിച്ച കേസില്‍ തുടരന്വേഷണം നടത്താന്‍ തലശേരി അഡീഷണല്‍ സെഷന്‍സ് കോടതി ഉത്തരവിട്ടു. കോടതിയില്‍ സമര്‍പ്പിച്ച കുറ്റപത്രം ഭാഗികമാണെന്ന് കാട്ടി പ്രോസിക്യൂഷന്‍ നല്‍കിയ അപേക്ഷയിലാണ് ഉത്തരവ്. 

പ്രതിയായ ബിജെപി പ്രാദേശിക നേതാവ് പത്മരാജന് എതിരെ പോക്‌സോ ചുമത്തുന്നതിന് കൂടുതല്‍ അന്വേഷണം ആവശ്യമാണെന്ന്  കുറ്റപത്രത്തില്‍ വ്യക്തമാക്കിയിരുന്നു. കേസുമായി ബന്ധപ്പെട്ട് അന്വേഷണ ഉദ്യോഗസ്ഥര്‍ മാധ്യമങ്ങളോട് പ്രതികരിക്കരുതെന്ന നിര്‍ദേശവും കോടതി നല്‍കിയിട്ടുണ്ട്. കേസിലെ  പ്രതിയായ ബിജെപി പ്രാദേശിക നേതാവും അധ്യാപകനുമായ പത്മരാജന് നേരത്തെ ജാമ്യം ലഭിച്ചിരുന്നു.  

പെണ്‍കുട്ടിയെ സ്‌കൂളിലെ ശുചിമുറിയില്‍ വെച്ച് പീഡിപ്പിക്കുകയും പിന്നീട് പൊയിലൂരിലെ ഒരു വീട്ടില്‍ കൊണ്ടു പോയി മറ്റൊരാള്‍ക്ക് കാഴ്ചവെക്കുകയും ചെയ്തുവെന്നാണ് കേസ്. പ്രതിയെ അറസ്റ്റ് ചെയ്ത് തൊണ്ണൂറാം ദിവസമാണ് അന്വേഷണസംഘം ഭാഗിക കുറ്റപത്രം സമര്‍പ്പിച്ചത്. വിവിധ രാഷ്ട്രീയ പാര്‍ട്ടികളുടെ പ്രതിഷേധങ്ങള്‍ക്ക് ശേഷമാണ് പത്മരാജനെ അറസ്റ്റ് ചെയ്യാന്‍ പൊലീസ് തയാറായത്.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com