തിരുവനന്തപുരം: സംസ്ഥാനത്ത് ഇന്ന് 927 പേർക്ക് കോവിഡ് സ്ഥിരീകരിച്ചപ്പോൾ 733 പേർക്ക് സമ്പർക്കത്തിലൂടെയാണ് വൈറസ് ബാധയുണ്ടായത്. ഇതിൽ 67 പേരുടെ സമ്പർക്ക ഉറവിടം വ്യക്തമല്ല. തിരുവനന്തപുരം ജില്ലയിൽ മാത്രം 164 പേർക്ക് സമ്പർക്കത്തിലൂടെ കോവിഡ് ബാധിച്ചിട്ടുണ്ട്. ജില്ലയിൽ 175 പേർക്കാണ് ഇന്ന് രോഗം സ്ഥിരീകരിച്ചത്.
കാസർകോട് ജില്ലയിൽ 107 പേർക്ക് കോവിഡ് സ്ഥിരീകരിച്ചപ്പോൾ 105 പേർക്കും സമ്പർക്കത്തിലൂടെയാണ് രോഗം ബാധിച്ചത്. കൊല്ലം 59, എറണാകുളം 57, പത്തനംതിട്ട 53, കോഴിക്കോട് 48, കോട്ടയം 45, മലപ്പുറം 39, പാലക്കാട് 37, ആലപ്പുഴ 35 , ഇടുക്കി, കണ്ണൂർ ജില്ലകളിലെ 31 പേർക്കും, തൃശൂർ 15, വയനാട് 14 എന്നിങ്ങനെയാണ് സമ്പർക്കത്തിലൂടെ രോഗം ബാധിച്ചവരുടെ എണ്ണം.
16 ആരോഗ്യ പ്രവർത്തകർക്കും രോഗം ബാധിച്ചു. തിരുവനന്തപുരം ജില്ലയിലെ 8, എറണാകുളം ജില്ലയിലെ 3, ആലപ്പുഴ ജില്ലയിലെ 2, കൊല്ലം, പത്തനംതിട്ട, കണ്ണൂർ ജില്ലകളിലെ ഒന്നു വീതം ആരോഗ്യ പ്രവർത്തകർക്കാണ് രോഗം സ്ഥിരീകരിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
