തിരുവനന്തപുരം: കടുത്ത സാമ്പത്തിക പ്രതിസന്ധിയുടെ പശ്ചാത്തലത്തില് ഓഗസ്റ്റ് ഒന്നുമുതല് സ്വകാര്യ ബസുകള് ഓടില്ല. നഷ്ടം സഹിച്ച് ഓഗസ്റ്റ് ഒന്നുമുതല് സ്വകാര്യബസുകള് സര്വീസ് നടത്തേണ്ടതില്ല എന്ന് സംയുക്ത സമരസമിതി തീരുമാനിച്ചു.
കോവിഡ് സൃഷ്ടിച്ച പ്രതിസന്ധി മറികടക്കുന്നതിന് ബസ് ടിക്കറ്റ് നിരക്ക് പരിഷ്കരിച്ചിരുന്നു. നിരക്ക് നിശ്ചയിക്കുന്നതിനുളള കിലോമീറ്റര് പരിധി കുറച്ചാണ് പരിഷ്കരിച്ചത്. എന്നാല് ഡീസല് വില വര്ധന ക്രമാതീതമായി ഉയരുന്നത് അടക്കമുളള വിഷയങ്ങള് ചൂണ്ടിക്കാണിച്ചാണ് ബസ് സര്വീസ് നിര്ത്തിവെയ്ക്കാന് സംയുക്ത സമരസമിതി തീരുമാനിച്ചത്.
നിലവില് സംസ്ഥാനത്ത് നിരവധി മേഖലകള് കണ്ടെയന്മെന്റ് സോണായി പ്രഖ്യാപിച്ചിട്ടുണ്ട്. കോവിഡ് വ്യാപനം തടയുന്നതിന്റെ ഭാഗമായാണ് നടപടി. അതുമൂലം ഈ പ്രദേശങ്ങളിലേക്ക് സര്വീസ് നടത്താന് കഴിയാത്ത സാഹചര്യമാണ്. കൂടാതെ യാത്രക്കാര് സ്വകാര്യ വാഹനങ്ങളെ കൂടുതലായി ആശ്രയിക്കുന്നതും സ്വകാര്യ ബസ് സര്വീസുമായി മുന്നോട്ടുപോകുന്നതിന് തടസ്സമാകുന്നതായി സംയുക്ത സമരസമിതി വിലയിരുത്തി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ