തിരുവനന്തപുരം: തിരുവനന്തപുരം ജില്ലയില് ലക്ഷണങ്ങളില്ലാത്ത കോവിഡ് ബാധിതരെ വീടുകളില് ഐസൊലേഷനില് തുടരാന് അനുവദിച്ചുകൊണ്ട് കലക്ടറുടെ ഉത്തരവിറങ്ങി. ഒറ്റയ്ക്കു കഴിയാന് മുറിയും ടൊയ്ലറ്റ് സൗകര്യവും ഉള്ളവര്ക്കാണ് ഇത്തരത്തില് അനുമതി ലഭിക്കുക.
വാര്ഡ് തല സമിതിയുടെ പരിശോധനകള്ക്കു ശേഷമായിരിക്കും കോവിഡ് ബാധിതരെ വീടുകളില് കഴിയാന് അനുവദിക്കുക. കോവിഡ് പോസിറ്റിവ് ആവുന്നവര്ക്ക് അവര് ആവശ്യപ്പെടുന്ന പക്ഷം ഫസ്റ്റ് ലൈന് ട്രീറ്റ്മെന്റ് സെന്ററില് പ്രവേശനം നല്കണമെന്നും ഉത്തരവില് പറയുന്നു.
സംസ്ഥാനത്ത് ഇന്നലെ കോവിഡ് സ്ഥിരീകരിച്ചവരില് ഏറ്റവും കൂടുതല് രോഗികളുള്ളത് തിരുവനന്തപുരം ജില്ലയിലാണ്. 213പേര്ക്കാണ് തിരുവനന്തപുരത്ത് രോഗം സ്ഥിരീകരിച്ചത്. മലപ്പുറം ജില്ലയില് നിന്നുള്ള 87 പേര്ക്കും, കൊല്ലം ജില്ലയില് നിന്നുള്ള 84 പേര്ക്കും, എറണാകുളം ജില്ലയില് നിന്നുള്ള 83 പേര്ക്കും, കോഴിക്കോട് ജില്ലയില് നിന്നുള്ള 67 പേര്ക്കും, പത്തനംതിട്ട ജില്ലയില് നിന്നുള്ള 54 പേര്ക്കും, പാലക്കാട്, കാസര്കോട് ജില്ലകളില് നിന്നുള്ള 49 പേര്ക്കുവീതവും, വയനാട് ജില്ലയില് നിന്നുള്ള 43 പേര്ക്കും, കണ്ണൂര് ജില്ലയില് നിന്നുള്ള 42 പേര്ക്കും, ആലപ്പുഴ ജില്ലയില് നിന്നുള്ള 38 പേര്ക്കും, ഇടുക്കി ജില്ലയില് നിന്നുള്ള 34 പേര്ക്കും, തൃശൂര് ജില്ലയില് നിന്നുള്ള 31 പേര്ക്കും, കോട്ടയം ജില്ലയില് നിന്നുള്ള 29 പേര്ക്കുമാണ് ഇന്ന് കോവിഡ് 19 രോഗ ബാധ സ്ഥിരീകരിച്ചത്.
706 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. അതില് 35 പേരുടെ സമ്പര്ക്ക ഉറവിടം വ്യക്തമല്ല. തിരുവനന്തപരത്താണ് സമ്പര്ക്ക രോഗികള് ഏറ്റവും കൂടുതലുള്ളത്, 198പേര്. കൊല്ലം 77, കോഴിക്കോട് 60, എറണാകുളം 58, മലപ്പുറം 52, വയനാട് 43, പത്തനംതിട്ട 39, ആലപ്പുഴ 33, കാസര്കോട് 32 , കോട്ടയം 27, ഇടുക്കി 25, തൃശൂര് 22, കണ്ണൂര് 22, പാലക്കാട് 18 എന്നിങ്ങനെയാണ് സമ്പര്ക്കത്തിലൂടെ രോഗം സ്ഥിരീകരിച്ചവരുടെ ജില്ല തിരിച്ചുള്ള കണക്ക്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ