തിരുവനന്തപുരം : അന്തര് ജില്ലാ ബോട്ട് സര്വീസുകള് നാളെ മുതല് പുനരാരംഭിക്കും. സംസ്ഥാനത്ത് പൊതുഗതാഗതം പുനസ്ഥാപിക്കുന്നതിന്റെ ഭാഗമായാണ് നടപടി. മോട്ടോര് ട്രാന്സ്പോര്ട്ടിന്റെ കീഴിലുള്ള യാത്രാ ബോട്ടുകള് നാളെ അന്തര് ജില്ലാ സര്വീസ് ആരംഭിക്കുമെന്ന് മന്ത്രി എ കെ ശശീന്ദ്രന് അറിയിച്ചു.
ബോട്ടിലെ മുഴുവന് സീറ്റിലും യാത്രക്കാര്ക്ക് ഇരുന്ന് യാത്ര ചെയ്യാം. ടിക്കറ്റ് നിരക്ക് പഴയ പ്രകാരം തന്നെയായിരിക്കും. രാവിലെ 9 മുതല് വൈകീട്ട് അഞ്ചുവരെയാകും സര്വീസ്.
എല്ലാ ബോട്ടുജെട്ടികളിലും കോവിഡ് പ്രതിരോധ മുന്കരുതലുകള് എടുക്കുമെന്നും മന്ത്രി അറിയിച്ചു. ലോക്ക്ഡൗണിനെത്തുടര്ന്നാണ് ബോട്ട്സര്വീസുകള് അടക്കം നിര്ത്തിവെച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ