തിരുവനന്തപുരം: സംസ്ഥാനത്ത് കോവിഡ് 19 റിപ്പോര്ട്ട് ചെയ്തതിന് ശേഷം ഏറ്റവുംകൂടുതല് രോഗബാധ സ്ഥിരീകരിച്ച ദിവസമാണ് ഇന്ന്. സംസ്ഥാനത്ത് ഇന്ന് മാത്രം 111പേര്ക്ക് കോവിഡ് 19 സ്ഥിരീകരിച്ചു. ഇതുവരെ 1, 770,33 പേരാണിദേശത്ത് നിന്നും മറ്റു സംസ്ഥാനങ്ങളില്ല് നിന്നുമായി സംസ്ഥാനത്ത് തിരിച്ചെത്തിയത്.
ഇതില് 30,363പേര് വിദേശത്ത് നിന്നെത്തിയവരാണ്. ഇതര സംസ്ഥാനങ്ങളില് നിന്ന് 1,46,670പേര് വന്നു. ഇവരില് 93,783പേര് തീവ്രരോഗ വ്യാപന മേഖലയില് നിന്നെത്തിയവര്. ഇത് 63 ശതമാനം വരും.
വിദേശത്തു നിന്നും ഇതര സംസ്ഥാനങ്ങളില് നിന്നും എത്തിയ 680പേര്ക്കാണ് രോഗം സ്ഥിരീകരിച്ചത്. വിദേശത്ത് നിന്നെത്തിയ 343പേര്ക്ക് കോവിഡ് സ്ഥിരീകരിച്ചു. 337 മറ്റ് സംസ്ഥാനങ്ങളില് നിന്നെത്തിയവരാണ്. മഹാരാഷ്ട്രയില് നിന്നെത്തിയവരിലാണ് കൂടുതല് രോഗബാധ സ്ഥിരീകരിച്ചത്, 196പേര്ക്ക് രോഗം സ്ഥിരീകരിച്ചെന്ന് മുഖ്യമന്ത്രി പിണറായി വിജയന് വാര്ത്താ സമ്മേളനത്തില് വ്യക്തമാക്കി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ