തിരുവനന്തപുരം: സംസ്ഥാനത്ത് സമ്പര്ക്കത്തിലൂടെ കോവിഡ് 19 ബാധിക്കുന്നവരുടെ എണ്ണം കൂടുന്നു. ഇന്ന് സമ്പര്ക്കത്തിലൂടെ പത്തുപേര്ക്കാണ് രോഗം സ്ഥിരീകരിച്ചത്. ഇതില് ഏഴുപേരും തൃശൂര് സ്വദേശികളാണ്. മലപ്പുറം ജില്ലയിലെ 3 പേര്ക്കാണ് സമ്പര്ക്കത്തിലൂടെ രോഗം ബാധിച്ചത്. ഇന്ന് 78പേര്ക്കാണ് രോഗം സ്ഥിരീകരിച്ചത്. ഇതില് തൃശൂര്, മലപ്പുറം ജില്ലകളില് 14വീതം പേര്ക്ക് രോഗം സ്ഥിരീകരിച്ചു.
സംസ്ഥാനത്തെ വിവിധ ജില്ലകളിലായി 2,27,402 പേര് നിരീക്ഷണത്തിലാണ്. ഇവരില് 2,25,417 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 1985 പേര് ആശുപത്രികളിലും നിരീക്ഷണത്തിലാണ്. 242 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.
കഴിഞ്ഞ 24 മണിക്കൂറിനിടെ 5001 സാമ്പിളുകളാണ് പരിശോധിച്ചത്. ഇതുവരെ 1,06,850 വ്യക്തികളുടെ (സ്വകാര്യ ലാബിലെ സാമ്പിള് ഉള്പ്പെടെ) സാമ്പിള് പരിശോധനയ്ക്ക് അയച്ചിട്ടുണ്ട്. ഇതില് 3392 സാമ്പിളുകളുടെ പരിശോധനാ ഫലം വരാനുണ്ട്. ഇതുകൂടാതെ സെന്റിനല് സര്വൈലന്സിന്റെ ഭാഗമായി ആരോഗ്യ പ്രവര്ത്തകര്, അതിഥി തൊഴിലാളികള്, സാമൂഹിക സമ്പര്ക്കം കൂടുതലുള്ള വ്യക്തികള് മുതലായ മുന്ഗണനാ ഗ്രൂപ്പുകളില് നിന്ന് 28,356 സാമ്പിളുകള് ശേഖരിച്ചതില് 26,143 സാമ്പിളുകള് നെഗറ്റീവ് ആയി. റുട്ടീന് സാമ്പിള്, ഓഗ്മെന്റഡ് സാമ്പിള്, സെന്റിനല് സാമ്പില്, പൂള്ഡ് സെന്റിനില്, സി.ബി. നാറ്റ്, ട്രൂ നാറ്റ് എന്നിവ ഉള്പ്പെടെ ആകെ 1,40,457 സാമ്പിളുകളാണ് പരിശോധനയ്ക്കായി അയച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ