കണ്ണൂർ: ശ്രീകണ്ഠാപുരം കൂട്ടുപുഴയിൽ കുളിക്കാനിറങ്ങി കാണാതായ മൂന്ന് യുവാക്കളിൽ ഒരാളുടെ മൃതദേഹം കണ്ടെത്തി. ബ്ലാത്തൂർ സ്വദേശി മനീഷിൻറെ മൃതദേഹമാണ് കണ്ടെത്തിയത്. മറ്റ് രണ്ട് പേർക്കായി തിരച്ചിൽ തുടരുകയാണ്. മനീഷിനെ കൂടാതെ വഞ്ചിയം സ്വദേശി സനൂപ് (20), പൈസക്കരി സ്വദേശി അരുൺ(19) എന്നിവരെയാണ് കാണാതായത്.
പയ്യാവൂർ ഇരൂട് കൂട്ടുപുഴയിൽ വെളളിയാഴ്ച വൈകീട്ട് അഞ്ച് മണിയോടെയായിരുന്നു സംഭവം. അഗ്നിശമന സേനയും, പൊലീസും നാട്ടുകാരും ചേർന്ന് ഇന്നലെ രാത്രി ഒൻപത് മണി വരെ തിരച്ചിൽ നടത്തിയിരുന്നു. ഇന്ന് തിരച്ചിൽ പുനരാരംഭിക്കുകയായിരുന്നു.
കെട്ടിട നിർമാണ തൊഴിലാളികളാണ് മൂവരും. ഇവർക്കൊപ്പം എത്തിയ അജിത്ത് എന്നയാൾ പുഴയിൽ ഇറങ്ങിയിരുന്നില്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
