തിരുവനന്തപുരം : മുഖ്യമന്ത്രി പിണറായി വിജയന്റെ പതിവ് വാര്ത്താസമ്മേളനം ഇന്ന് ഇല്ല. കോവിഡ് അവലോകനയോഗശേഷം നടത്തുന്ന വാര്ത്താസമ്മേളനം ഇന്ന് ഉണ്ടായിരിക്കില്ലെന്ന് മുഖ്യമന്ത്രിയുടെ ഓഫീസ് അറിയിച്ചു.
ഇടയ്ക്ക് ഏതാനും ദിവസം മുഖ്യമന്ത്രി വാര്ത്താസമ്മേളനം നടത്തിയിരുന്നില്ല. തുടര്ന്ന് മുഖ്യമന്ത്രി കോവിഡുമായി ബന്ധപ്പെട്ട വാര്ത്താസമ്മേളനം അവസാനിപ്പിക്കുന്നതായി വാര്ത്തകള് പ്രചരിച്ചിരുന്നു.
ഇതിന് പിന്നാലെ കഴിഞ്ഞ ദിവസങ്ങളില് മുഖ്യമന്ത്രി വീണ്ടും വാര്ത്താസമ്മേളനത്തിനെത്തുകയായിരുന്നു. വാര്ത്താസമ്മേളനം അവസാനിപ്പിക്കുന്നത് സംബന്ധിച്ച ചോദ്യങ്ങളോട്, മാധ്യമങ്ങളെ ഉപേക്ഷിച്ച് പോകാന് പറ്റുമോയെന്നും മുഖ്യമന്ത്രി ചോദിച്ചു.
സംസ്ഥാനത്ത് കോവിഡ് കേസുകള് റിപ്പോര്ട്ട് ചെയ്തതിന് പിന്നാലെ മുഖ്യമന്ത്രി പിണറായി വിജയന് സ്ഥിരം മാധ്യമങ്ങളെ കണ്ട് കാര്യങ്ങള് വിശദീകരിക്കാറുണ്ട്. പ്രധാന ദിവസങ്ങളും ഞായറാഴ്ചകളും ഒഴിവാക്കിയാണ് മുഖ്യമന്ത്രിയുടെ വാര്ത്താസമ്മേളനം
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ