കൂട്ടുകാരോടു വഴക്കിട്ടു റോഡിലിറങ്ങിയ മുന്ന് വയസ്സുകാരി ന‌‌ടന്നത് ഒന്നര കിലോമീറ്ററോളം, ഒടുവിൽ പൊലീസ് സുരക്ഷയിൽ അമ്മയുടെ കരങ്ങളിലേക്ക്

By സമകാലിക മലയാളം ഡെസ്‌  |   Published: 17th June 2020 08:43 AM  |  

Last Updated: 17th June 2020 08:43 AM  |   A+A-   |  

baby

 

കൊച്ചി: കളിക്കുന്നതിനിടെ കൂട്ടുകാരോടു വഴക്കിട്ടു റോഡിലേക്കിറങ്ങിയ മുന്ന് വയസ്സുകാരിയെ പൊലീസും നാട്ടുകാരും ചേർന്ന് അമ്മയ്ക്കരികിലെത്തിച്ചു. റോഡിലൂടെ ഒന്നരക്കിലോമീറ്ററോളം നടന്ന കുട്ടി കോവിഡ് ക്വാറന്റീൻ നിരീക്ഷണ ഡ്യൂട്ടിയിലായിരുന്ന തൃക്കാക്കര പൊലീസ് ഉദ്യോ​ഗസ്ഥന്റെ ശ്രദ്ധയിൽപ്പെട്ടതാണ് രക്ഷയായത്. ഒഡീഷ സ്വദേശിനിയാണു കുഞ്ഞിന്റെ അമ്മയെന്നു കണ്ടെത്തിയതിനെത്തുടർന്ന് ഇവരെ വിവരമറിയിച്ച് കുഞ്ഞിനെ ഏൽപ്പിക്കുകയായിരുന്നു.

റോഡിലേക്കിറങ്ങിയ കുഞ്ഞിനെ കണ്ട നാട്ടുകാരിൽ ചിലർ കാര്യങ്ങൾ ചോദിച്ചറിയാൻ ശ്രമിച്ചെങ്കിലും ഫലമുണ്ടായില്ല. ഈ സമയത്താണ് എഎസ്ഐ കെ ശിവകുമാർ ബൈക്കിൽ ആ വഴി വന്നത്. കുഞ്ഞ് ഏതാനും വാക്കുകൾ പറഞ്ഞപ്പോൾ മലയാളിയല്ലെന്നു ബോധ്യമായി. ശിവകുമാർ വിവരമറിയിച്ചതനുസരിച്ചു തൃക്കാക്കര പൊലീസെത്തി കുഞ്ഞിനെ സ്റ്റേഷനിലേക്കു കൊണ്ടുപോയി. കളിപ്പാട്ടങ്ങളും പലഹാരങ്ങളും നൽകി കുഞ്ഞിന്റെ സുരക്ഷ ഉറപ്പാക്കിയ പൊലീസ് ഉദ്യോ​ഗസ്ഥർ രക്ഷിതാക്കളെ കണ്ടെത്താൻ ശ്രമം തുടർന്നു.

ഒടുവിൽ തുതിയൂർ ആദർശ റോഡിൽ വീടു നിർമാണത്തിനെത്തിയ ഒഡീഷ സ്വദേശിനിയാണു കുഞ്ഞിന്റെ അമ്മയെന്നു കണ്ടെത്തി. കുഞ്ഞിനെ കാണാതായ വിവരം ഇവർ അറിഞ്ഞിരുന്നില്ല.  സ്റ്റേഷനിലെത്തിയ അമ്മ കുഞ്ഞിനെ ഏറ്റുവാങ്ങി.