കൊച്ചി: നാട്ടിലേക്ക് വരാന് പ്രവാസികള്ക്ക് കോവിഡ് നെഗറ്റീവ് സര്ട്ടിഫിക്കറ്റ് നിര്ബന്ധമാക്കിയ സംസ്ഥാന സര്ക്കാര് തീരുമാനത്തിനെതിരായ ഹര്ജികള് ഹൈക്കോടതി ഇന്ന് പരിഗണിക്കും. ദുബായ് കെ എം സി സിക്ക് വേണ്ടി ഷഹീര് ആണ് ഹര്ജി നല്കിയത്. കേരളത്തിന് പുറത്ത് ഇത്തരം നിബന്ധനകള് ഇല്ലെന്നാണ് ഹര്ജിക്കാരന് ചൂണ്ടിക്കാട്ടുന്നത്.
ഇതേ ആവശ്യം ഉന്നയിച്ചു റെജി താഴ്മണ് നല്കിയ ഹര്ജിയും കോടതിയുടെ പരിഗണയിലുണ്ട്. അതേസമയം കോവിഡ് പരിശോധന സര്ട്ടിഫിക്കറ്റ് ഇല്ലാതെ ആരെയും യാത്ര ചെയ്യാന് അനുവദിക്കാന് കഴിയില്ലെന്നാണ് സര്ക്കാര് നിലപാട്. സംസ്ഥാനത്ത് കോവിഡ് കേസുകള് വര്ധിച്ച സാഹചര്യത്തിലാണ് സര്ക്കാര് കര്ക്കശ നിലപാടിലേക്ക് നീങ്ങിയത്.
ഇക്കാര്യം ആവശ്യപ്പെട്ട് മുഖ്യമന്ത്രി വീണ്ടും കേന്ദ്രസര്ക്കാരിന് കത്തയച്ചിട്ടുണ്ട്. കേന്ദ്രസര്ക്കാരിന്റെ വന്ദേഭാരത് ദൗത്യം അടക്കം കേരളത്തിലേക്ക് വരുന്ന എല്ലാ പ്രവാസികള്ക്കും കോവിഡ് നെഗറ്റീവ് സര്ട്ടിഫിക്കറ്റ് വേണമെന്ന് മന്ത്രി ഇ പി ജയരാജനും വ്യക്തമാക്കിയിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ