കൊച്ചി: യുവനടിയെ തട്ടിക്കൊണ്ടുപോയി ഉപദ്രവിച്ച കേസിൽ, ആക്രമണത്തിന് ഇരയായ നടിയുടെ ക്രോസ് വിസ്താരം ഇന്ന് തുടങ്ങും. മൂന്ന് ദിവസം നീണ്ടുനിൽക്കും. കോവിഡ് മൂലം നിർത്തിവെച്ച വിചാരണ നീണ്ട ഇളവേളയ്ക്ക് ശേഷമാണ് സജീമാകുന്നത്. പ്രൊസിക്യൂഷന്റെ ഭാഗത്ത് നിന്നുള്ള നടിയുടെ പ്രാഥമിക വിസ്താരം നേരത്തെ പൂർത്തിയായിരുന്നു.
പ്രതിഭാഗത്തിന്റെ ക്രോസ് വിസ്താരം ആരംഭിക്കാനിരിക്കെ കോവിഡ് വ്യാപിച്ചതോടെ, വിചാരണ നിർത്തിവെക്കകുയായിരുന്നു. മാര്ച്ച് 24 ന് ശേഷം വിസ്താരം നടന്നിട്ടില്ല.നടിയുടെ ക്രോസ് വിസ്താരത്തിന് ശേഷം ഇവരുടെ സഹോദരന്, നടി രമ്യാ നമ്പീശന് ,സംവിധായകന് ലാലിന്റ ഡ്രൈവര് സുജിത് എന്നിവരുടെ ക്രോസ് വിസ്താരവും നടക്കും. ഇതിന്റെ തീയതിയും കോടതി നിശ്ചയിച്ചേക്കും.
നടന് സിദ്ദീഖ്, നടി ഭാമ എന്നിവരുടെ വിസ്താരത്തിന്റെ തീയതിയും നിശ്ചയിക്കാനുണ്ട്. സിദ്ദീഖിനെ മുൻപ് വിസ്താരത്തിന് വിളിച്ചു വരുത്തിയെങ്കിലും കോടതിയിലെ തിരക്ക് മൂലം മാറ്റിവെക്കുകയായിരുന്നു. ഭാമയെ വിസ്തരിക്കുന്നത് പ്രൊസിക്യൂഷന്റെ ആവശ്യപ്രകാരമാണ് നീട്ടിയത്. ആറുമാസത്തിനകം വിചാരണ പൂര്ത്തിയാക്കണം എന്നാണ് സുപ്രീംകോടതി നിര്ദ്ദേശിച്ചിട്ടുള്ളത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ