പാലക്കാട് : ഒറ്റപ്പാലം അമ്പലപ്പാറയിൽ സിപിഎമ്മിനെതിരെ കൊലവിളി മുദ്രാവാക്യങ്ങളുമായി യുഡിഎഫിന്റെ പ്രകടനം. പഞ്ചായത്തിലെ യുഡിഎഫ് സ്വതന്ത്ര അംഗം ടി പി കൃഷ്ണകുമാറിന് നേരെയുണ്ടായ കയ്യേറ്റത്തിൽ പ്രതിഷേധിച്ച് ഇന്നലെ രാത്രി നടത്തിയ പ്രകടനത്തിലാണ്, യുഡിഎഫ് പ്രവർത്തകർ സിപിഎമ്മിനെതിരെ പ്രകോപനപരമായ മുദ്രാവാക്യം വിളിച്ചത്.
‘കയ്യും വെട്ടും കാലും വെട്ടും, കുട്ടനാടൻ പുഞ്ചയിൽ ഐആർഎട്ടിനു വളമാക്കും’ എന്നായിരുന്നു പ്രതിഷേധക്കാരുടെ മുദ്രാവാക്യം. കൃഷ്ണകുമാറിനെ മർദിച്ചത് സിപിഎം പ്രവർത്തകനാണെന്ന് ആരോപിച്ചു നടന്ന പ്രകടനത്തിൽ പ്രതി ചേർക്കപ്പെട്ടയാളുടെ പേര് പരാമർശിച്ചായിരുന്നു മുദ്രാവാക്യം.
സംഭവത്തിൽ യൂത്ത് കോൺഗ്രസ് സംസ്ഥാന സെക്രട്ടറി ഡോ. പി. സരിൻ ഉൾപ്പെടെ 30 പേർക്കെതിരെ കേസെടുത്തു. പഞ്ചായത്ത് ഓഫീസ് പരിസരത്ത് തിങ്കളാഴ്ച ഉച്ചകഴിഞ്ഞായിരുന്നു കൃഷ്ണകുമാറിന് നേരെ കയ്യേറ്റം ഉണ്ടായത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ