കൊച്ചി; തമിഴ്നാട്ടിൽ കോവിഡ് സ്ഥിരീകരിച്ചതായി സംശയിക്കുന്ന വ്യക്തി കോതമംഗലത്ത് എത്തിയതിൽ ആശങ്ക. കഴിഞ്ഞ ദിവസമാണ് കോതമംഗലം കോട്ടപ്പടിയിൽ ഇയാൾ എത്തിയത്. തമിഴ്നാട്ടിൽ നടത്തിയ റാപ്പിഡ് ടെസ്റ്റിൽ കോവിഡ് പോസിറ്റീവ് സ്ഥിരീകരിച്ചതായാണ് സൂചന. തുടർന്ന് ആരോഗ്യപ്രവർത്തകരും പൊലീസുകാരും ഇയാളെ കളമശേരി മെഡിക്കൽ കോളജ് ആശുപത്രിയിലേക്ക് മാറ്റി. അയാളെ വീണ്ടും കോവിഡ് പരിശോധനയ്ക്ക് വിധേയനാക്കും. ആശങ്ക ഏറിയതോടെ കോട്ടപ്പടിയിൽ മുഴുവൻ കടകളും അണുവിമുക്തമാക്കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
