കണ്ണൂർ: ചക്ക വീണ് പരിക്കേറ്റ് ചികിത്സയിലായിരുന്ന ഓട്ടോ ഡ്രൈവര് മരിച്ചു. കാഞ്ഞങ്ങാട് സ്വദേശി റോബിന് തോമസ് ( 44) ആണ് മരിച്ചത്. ചക്ക വീണ് പരിക്കേറ്റതിനേത്തുടർന്ന് പരിയാരം ഗവ. മെഡിക്കല് കോളജില് പ്രവേശിപ്പിക്കപ്പെടുകയും അവിടെവച്ച് കോവിഡ് സ്ഥിരീകരിക്കുകയും ചെയ്ത ആളാണ് റോബിൻ.
വീട്ടുപറമ്പിലെ പ്ലാവില് നിന്ന് ചക്ക പറിക്കുന്നതിനിടയിലായിരുന്നു അപകടം. ചക്ക ദേഹത്തുവീണതിനെ തുടര്ന്ന് റോബിൻ പ്ലാവില്നിന്നു താഴെ വീഴുകയായിരുന്നു. ഗുരുതരമായി പരിക്കേറ്റ് മെഡിക്കല് കോളജില് എത്തിച്ച ഇയാളെ ശസ്ത്രക്രിയക്ക് മുന്നോടിയായി നടത്തിയ പരിശോധനയിലാണ് കോവിഡ് പോസിറ്റീവ് ഫലം ലഭിച്ചത്. അതിനാൽ അടിയന്തിര ശസ്ത്രക്രിയകള് നടത്താനായില്ല.
ആദ്യപരിശോധനയില് കോവിഡ് പോസിറ്റീവ് ആയിരുന്നെങ്കിലും തുടര്ന്ന് നടത്തിയ പരിശോധനയില് നെഗറ്റീവ് ഫലം ലഭിച്ചിരുന്നു. എങ്കിലും ശസ്ത്രക്രിയക്ക് വിധേയനാക്കാന് സാധിച്ചില്ല.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ