കൊച്ചി: നടി ഷംന കാസിമിനെ ഭീഷണിപ്പെടുത്തി പണം തട്ടാന്‍ ശ്രമിച്ച കേസില്‍ ഒരാള്‍ കൂടി അറസ്റ്റില്‍. വാടാനപ്പള്ളി സ്വദേശി അബൂബക്കറാണ് പിടിയിലായത്. ഏഴ്് പേരടങ്ങുന്ന സംഘത്തില്‍ അംഗമായിരുന്നു അബൂബക്കര്‍. കേസില്‍ നേരത്തെ അഞ്ച് പ്രപതികള്‍ അറസ്റ്റിലായിരുന്നു.
രാവിലെ കോടതിയില്‍ കീഴടങ്ങാനെത്തിയ അബ്ദുള്‍ സലാമിനെ പൊലീസ് അറസ്റ്റ് ചെയ്തിരുന്നു. ഉച്ചയോടെയാണ് വാടാനപ്പള്ളി സ്വദേശിയായ അബൂബക്കറിനെ അറസ്റ്റ് ചെയ്തത്. വരന്റെ പിതാവിന്റെ വേഷത്തില്‍ ഷംനയുടെ വീട്ടിലെത്തിയത് ഇയാളാണെന്ന് പൊലീസ് പറഞ്ഞു. കേസില്‍ ഇയാള്‍ക്ക് നിര്‍ണായകമായ പങ്കുണ്ടെന്നും പൊലീസ് പറയുന്നു. ഇയാള്‍ കഴിഞ്ഞ നാല് ദിവസമായി ഒളവിലായിരുന്നു.
കേസില്‍ പ്രധാനപ്രതിയായ ഒരു സ്ത്രീയെ കൂടിയാണ് പിടികൂടാനുള്ളത്. ഇവരാണ് വരന്റെ അമ്മയായി കുടുംബത്തെ ബന്ധപ്പെട്ടത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
