തിരുവനന്തപുരം: സംസ്ഥാനത്ത് ഇന്ന് ഏറ്റവും കൂടുതൽ പേർക്ക് കോവിഡ് സ്ഥിരീകരിച്ചത് മലപ്പുറം ജില്ലയിൽ. സംസ്ഥാനത്താകെ 195 പേർക്ക് രോഗബാധ കണ്ടെത്തിയപ്പോൾ ഇതിൽ 47 പേർ മലപ്പുറം ജില്ലക്കാരാണ്. സമ്പർക്കത്തിലൂടെ ഇന്ന് 15 പേർക്കാണ് രോഗം ബാധിച്ചത്. ഇതിൽ 10 കേസുകളും മലപ്പുറം ജില്ലയിലാണ്.
പാലക്കാട് ജില്ലയിൽ 25 പേർക്കും, തൃശൂർ ജില്ലയിൽ 22 പേർക്കും രോഗബാധ കണ്ടെത്തിയിട്ടുണ്ട്. കോട്ടയം 15, എറണാകുളം 14, ആലപ്പുഴ 13 , കൊല്ലം 12 , കണ്ണൂർ, കാസർഗോഡ് ജില്ലകളിൽ 11, കോഴിക്കോട് 8 , പത്തനംതിട്ടയിൽ 6, വയനാട് 5, തിരുവനന്തപുരത്ത് 4, ഇടുക്കിയിൽ 2 പേർക്കുമാണ് രോഗം സ്ഥിരീകരിച്ചത്. കൊല്ലം ജില്ലയിലെ 2 പേർക്കും, എറണാകുളം, തൃശൂർ, കണ്ണൂർ ജില്ലകളിലെ ഒരാൾക്ക് വീതവും സമ്പർക്കത്തിലൂടെ രോഗം ബാധിച്ചു.
ഇന്ന് രോഗം സ്ഥിരീകരിച്ചവരിൽ 118 പേർ വിദേശ രാജ്യങ്ങളിൽ നിന്നും 62 പേർ മറ്റ് സംസ്ഥാനങ്ങളിൽ നിന്നും വന്നതാണ്. കുവൈറ്റ്- 62, യു.എ.ഇ.- 26, സൗദി അറേബ്യ- 8, ഒമാൻ- 8, ഖത്തർ- 6, ബഹറിൻ- 5, കസാക്കിസ്ഥാൻ- 2, ഈജിപ്റ്റ്- 1 എന്നിങ്ങനേയാണ് വിദേശ രാജ്യങ്ങളിൽ നിന്നും വന്നവർ. തമിഴ്നാട്- 19, ഡൽഹി- 13, മഹാരാഷ്ട്ര- 11, കർണാടക- 10, പശ്ചിമബംഗാൾ- 3, മധ്യപ്രദേശ്- 3, തെലുങ്കാന- 1, ആന്ധ്രാപ്രദേശ്- 1, ജമ്മുകാശ്മീർ- 1 എന്നിങ്ങനെയാണ് മറ്റ് സംസ്ഥാനങ്ങളിൽ നിന്നും വന്നവർ.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ