കണ്ണൂർ; കോവിഡ് ബാധിച്ചു മരിച്ച എക്സൈസ് ഡ്രൈവറുടെ അവസാനത്തെ പരിശോധന ഫലം നെഗറ്റീവ്. മൃതദേഹത്തിൽ നിന്ന് ശേഖരിച്ച സ്രവത്തിൽ നിന്നു നടത്തിയ പരിശോധന ഫലമാണ് നെഗറ്റീവായത്. കണ്ണൂരിലെ ബ്ലാത്തൂർ പടിയൂരിലെ 28 കാരനായ കെപി സുനിലാണ് കോവിഡ് ബാധിച്ച് ഈ മാസം 18 ന് പരിയാരം ഗവൺമെന്റ് മെഡിക്കൽ കോളജ് ആശുപത്രിയിൽ മരിച്ചത്.
മറ്റു രോഗങ്ങളൊന്നും സുനിലിനുണ്ടായിരുന്നില്ല. പനിയും ശ്വാസതടസവും മൂലം 13 ന് കണ്ണൂരിലെ സ്വകാര്യ ആശുപത്രിയിൽ പ്രവേശിപ്പിക്കുകയും ആരോഗ്യനില വഷളായതിനെ തുടർന്ന് പരിയാരം മെഡിക്കൽ കൊളജിൽ എത്തിക്കുകയുമായിരുന്നു. 16 നാണ് സുനിലിന് കോവിഡ് സ്ഥിരീകരിക്കുന്നത്. മതിയായ ചികിത്സ ലഭിച്ചില്ലെന്നാണ് ബന്ധുക്കളുടെ ആരോപണം. എവിടെനിന്നാണ് സുനിലിന് രോഗം സ്ഥിരീകരിച്ചത് എന്ന കാര്യത്തിൽ വ്യക്തതയില്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
