തിരുവനന്തപുരം: വ്യാഴാഴ്ച വരെ സംസ്ഥാനത്ത് ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്. ഇന്ന് രണ്ടു ജില്ലകളില് യെല്ലോ അലര്ട്ട് പ്രഖ്യാപിച്ചു. മലപ്പുറം, ഇടുക്കി ജില്ലകളിലാണ് ജാഗ്രതാ നിര്ദേശം നല്കിയത്. സംസ്ഥാനത്ത് ചിലയിടങ്ങളില് ഇടിമിന്നലോട് കൂടിയ മഴയ്ക്ക് സാധ്യതയുളളതിനാല് ജാഗ്രത പാലിക്കണമെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കി.
ശക്തമായ കാറ്റിനും മഴയ്ക്കും മുന്നറിയിപ്പുള്ള സാഹചര്യത്തില് ഉരുള്പൊട്ടല്, മണ്ണിടിച്ചില് സാധ്യതയുള്ള പ്രദേശങ്ങളില് വസിക്കുന്നവര്, നദിക്കരകളില് താമസിക്കുന്നവര് തുടങ്ങിയവര് പ്രത്യേക ജാഗ്രത പാലിക്കണം. കടലാക്രമണ സാധ്യതയുള്ള തീരദേശ വാസികളും ജാഗ്രത പാലിക്കണം
ഇന്നുമുതല് ജൂലൈ രണ്ടുവരെ കേരള, ലക്ഷദ്വീപ് പ്രദേശങ്ങളില് മണിക്കൂറില് 40 മുതല് 50 കിലോമീറ്റര് വരെ വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയെന്ന് കാലാവസ്ഥ വകുപ്പ് അറിയിച്ചു. മേല്പറഞ്ഞ പ്രദേശങ്ങളില് മത്സ്യതൊഴിലാളികള് മത്സ്യ ബന്ധനത്തിന് പോകാന് പാടുള്ളതല്ലെന്നും മുന്നറിയിപ്പില് വ്യക്തമാക്കുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ