തിരുവനന്തപുരം: കൃത്യമായ നയങ്ങളുടെയും പരിപാടിയുടെയും അടിസ്ഥാനത്തില് പ്രവര്ത്തിക്കുന്ന മുന്നണിയാണ് എല്ഡിഎഫ് എന്ന് സിപിഐ സംസ്ഥാന സെക്രട്ടറി കാനം രാജേന്ദ്രന്. അതുകൊണ്ടുതന്നെ ആരെങ്കിലും ഓടിക്കയറിവന്നാല് മുന്നണിയില് കയറ്റാനാവില്ലെന്ന്, കേരള കോണ്ഗ്രസ് ജോസ് കെ മാണി പക്ഷത്തെ എല്ഡിഎഫില് എടുക്കുമോയെന്ന ചോദ്യത്തിനു പ്രതികരണമായി കാനം പറഞ്ഞു.
എല്ഡിഎഫും യുഡിഎഫും തമ്മില് വ്യത്യാസമുണ്ട്. കൃത്യമായ നയങ്ങളുടെയും പരിപാടികളുടെയും അടിസ്ഥാനത്തിലാണ് എല്ഡിഎഫ് പ്രവര്ത്തിക്കുന്നത്. ഈ മുന്നണിക്ക് ഒരു ഇടതുപക്ഷ സ്വഭാവമുണ്ട്- കാനം പറഞ്ഞു.
ആ നയങ്ങള് അംഗീകരിച്ചുകൊണ്ട് വന്നാല് കയറ്റുമോയെന്ന ചോദ്യത്തിന് അതു ബോധ്യപ്പെടണ്ടേ എന്നായിരുന്നു കാനത്തിന്റെ പ്രതികരണം. ഇതുമായി ബന്ധപ്പെട്ട് മുഖ്യമന്ത്രിയുടെ അഭിപ്രായത്തിന് താന് മറുപടി പറയുന്നില്ലെന്നും കാനം പരഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ