തിരുവനന്തപുരം: തദ്ദേശ സ്വയംഭരണ സ്ഥാപനങ്ങളിലേക്കുളള തെരഞ്ഞെടുപ്പിന് മുന്നോടിയായി വോട്ടര്പട്ടിക പുതുക്കുന്ന നടപടി പുനരാരംഭിച്ചു. തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പ് 2015ലെ വോട്ടര് പട്ടികയെ അടിസ്ഥാനമാക്കി നടത്തരുതെന്ന ഹൈക്കോടതി വിധി സുപ്രീം കോടതി സ്റ്റേ ചെയ്തിരുന്നു. ഇതിന്റെ പശ്ചാത്തലത്തിലാണ് വോട്ടര്പട്ടിക പുതുക്കുന്ന നടപടി പുനരാരംഭിച്ചത്.
മാര്ച്ച് എട്ട് മുതല് പൊതുജനങ്ങള്ക്ക് കമ്മീഷന്റെ വെബ്സൈറ്റിലൂടെ അപേക്ഷ സമര്പ്പിക്കാവുന്നതാണെന്ന് സംസ്ഥാന തെരഞ്ഞെടുപ്പ് കമ്മീഷണര് വി ഭാസ്കരന് അ്റിയിച്ചു. മാര്ച്ച് 16ന് വൈകുന്നേരം അഞ്ച് മണിവരെ അപേക്ഷ സമര്പ്പിക്കാം. അപേക്ഷകളുടെയും ആക്ഷേപങ്ങളുടെയും ഹിയറിങ് 23ന് മുന്പ് പൂര്ത്തിയാക്കും. മുന്പ് അപേക്ഷ സമര്പ്പിച്ചിട്ട് ഹിയറിങിന് പങ്കെടുക്കാത്തവര്ക്കും ഈ കാലയളവില് ഹിയറിങ്ങിനെത്താം.മാര്ച്ച് 25ന് അന്തിമ വോട്ടര്പട്ടിക പ്രസിദ്ധീകരിക്കുമെന്നും കമ്മീഷന് അറിയിച്ചു.
ലോക്സഭ തെരഞ്ഞെടുപ്പിന് ഉപയോഗിച്ച 2019ലെ വോട്ടര്പട്ടികയെ അടിസ്ഥാനമാക്കി തദ്ദേശ സ്വയംഭരണ സ്ഥാപനങ്ങളിലേക്കുളള തെരഞ്ഞെടുപ്പ് നടത്തണമെന്ന ഹൈക്കോടതി വിധിയാണ് സുപ്രീംകോടതി സ്റ്റേ ചെയ്തത്. സംസ്ഥാന തെരഞ്ഞെടുപ്പു കമ്മിഷന്റെ ഹര്ജിയിലാണ് ചീഫ് ജസ്റ്റിസ് എസ്എ ബോബ്ഡെ അധ്യക്ഷനായ ബെഞ്ചിന്റെ നടപടി.വോട്ടര് പട്ടികയില് തീരുമാനമെടുക്കാന് തെരഞ്ഞെടുപ്പു കമ്മിഷന് അധികാരമുണ്ടെന്നു ചൂണ്ടിക്കാട്ടിയാണ് കോടതി നടപടി. 2019ലെ വോട്ടര് പട്ടികയെ അടിസ്ഥാനമാക്കി തെരഞ്ഞെടുപ്പു നടത്താന് പ്രായോഗിക പ്രശ്നങ്ങളുണ്ടെന്നാണ് കമ്മിഷന് ഹര്ജിയില് ചൂണ്ടിക്കാട്ടിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ