തിരുവനന്തപുരം: മദ്യലഹരിയില് ഓടിച്ച കാറിടിച്ച് തൊഴിലാളി മരിച്ച സംഭവത്തില് വ്യവസായി അറസ്റ്റിലായി. പേരൂര്ക്കട സ്വദേശി അജയഘോഷാണ് അറസ്റ്റിലായത്. അപകടത്തില് ബിഎസ്എന്എല് കരാര് തൊഴിലാളി ജോണ് ഫ്രെഡോ ആണ് മരിച്ചത്.
കവടിയാറില് കേബിള് ഇടാന് കുഴി എടുക്കുമ്പോഴാണ് കാറിടിച്ചത്. രാത്രി 11.15 ഓടെ അമ്പലമുക്ക് കുരിശടി ജംക്ഷനിലായിരുന്നു അപകടം. കേബിള് ഇടാനായി കുഴി എടുത്തുകൊണ്ടിരിക്കുയായിരുന്ന തൊഴിലാളികളുടെ ഇടയിലേക്ക് കാര് പാഞ്ഞുകയറുകയായിരുന്നു.
ജോണിനെ മെഡിക്കല് കോളജ് ആശുപത്രിയില് പ്രവേശിപ്പിച്ചെങ്കിലും മരിച്ചു. കാര് അമിതവേഗത്തിലെത്തിലായിരുന്നെന്ന് പൊലീസും ദൃക്സാക്ഷികളും പറഞ്ഞു. കാറും പൊലീസ് കസ്റ്റഡിയിലെടുത്തിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ