തിരുവനന്തപുരം: കോവിഡ് 19 രോഗപരിശോധനയ്ക്ക് മൂന്ന് സ്ഥാപനങ്ങള്‍ക്ക് കൂടി അനുമതി. തിരുവനന്തപുരം ശ്രീ ചിത്ര ഇന്‍സ്റ്റിറ്റിയൂട്ട്, പബ്ലിക് ഹെല്‍ത്ത് ലാബ്, രാജീവ് ഗാന്ധി സെന്റര്‍ ഫോര്‍ ബയോ ടെക്‌നോളജി എന്നീ സ്ഥപനങ്ങള്‍ക്കാണ് ഇന്ത്യന്‍ കൗണ്‍സില്‍ ഓഫ് മെഡിക്കല്‍ റിസര്‍ച്ച് അനുമതി നല്‍കിയിരിക്കുന്നത്.
നിലവില്‍ ആലപ്പുഴയിലെ നാഷനല്‍ ഇന്‍സ്റ്റിറ്റിയൂട്ട് ഓഫ് വൈറോളജി ഫീല്‍ഡ് യൂണിറ്റ് ലാബിനു പുറമേ തിരുവനന്തപുരം, കോഴിക്കോട് മെഡിക്കല്‍ കോളജുകളിലും കോവിഡ് പരിശോധന നടത്താന്‍ അനുമതിയുണ്ട്.
മൂന്ന് ലാബുകള്‍ക്ക് കൂടി അനുമതി ലഭിച്ചതോടെ സംസ്ഥാനത്ത് തന്നെ ദിവസവും രണ്ട് ഷിഫ്റ്റുകളിലായി ഏകദേശം 500 സാമ്പിളുകള്‍ പരിശോധിക്കാനുള്ള സംവിധാനമാകും. പുതിയ സ്ഥാപനങ്ങള്‍ കൂടിയാകുന്നതോടെ, രാജ്യത്തെ അംഗീകൃത പരിശോധന ലാബുകളുടെ എണ്ണം 66ആകും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
