കൊച്ചി: സ്ത്രീകളെ ആക്ഷേപിക്കുന്ന പരാമർശവുമായി ബിജെപി നേതാവ് ടിജി മോഹൻദാസ്. ബസ്സിലും മറ്റും പയ്യൻമാർ ശല്യം ചെയ്താൽ പെൺകുട്ടികൾ ആസ്വദിക്കും എന്ന, മോഹൻദാസിന്റെ ട്വീറ്റാണ് വിവാദമായിരിക്കുന്നത്.
കോവിഡ് വ്യാപനം തടയുന്നതിന്റെ ഭാഗമായി 65 കഴിഞ്ഞവർ പുറത്തിറങ്ങരുതെന്ന നിർദേശത്തിന്റെ പശ്ചാത്തലത്തിലാണ് മോഹൻദാസിന്റെ ട്വീറ്റ്. ‘65 കഴിഞ്ഞ കിഴവൻമാർ പുറത്തിറങ്ങരുത് എന്ന് പറഞ്ഞത് നന്നായി. ചെറുപ്പക്കാരികൾക്ക് സ്വസ്ഥമായി ഇറങ്ങി നടക്കാമല്ലോ! കിഴവൻമാർ മഹാശല്യമാണെന്നേ... ഇല്ലേ?’-എന്നായിരുന്നു മോഹൻദാസിന്റെ ആദ്യ ട്വീറ്റ്.
‘ഞാൻ പറഞ്ഞത് സത്യമാണ്. 55-75 വയസ്സുള്ള കിളവൻമാരാണ് ചെറുപ്പക്കാരികളെ ബസിലും മറ്റും ശല്യം ചെയ്യുന്നത്. പയ്യൻമാരെക്കൊണ്ട് അത്രക്ക് പ്രശ്നമൊന്നുമില്ല. ഉണ്ടെങ്കിൽ തന്നെ പെമ്പിള്ളേര് ആസ്വദിച്ചോളും. ഞാനും കിഴവനാണ്. എന്നുവെച്ച് സത്യം പറയാതിരിക്കാൻ പറ്റില്ല’, തുടർന്നുള്ള ട്വീറ്റിൽ മോഹൻദാസ് പറയുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
