കാസര്കോട്: വിലക്ക് ലംഘിച്ച രണ്ടു പ്രവാസികളുടെ പാസ്പോര്ട്ട് കണ്ടുകെട്ടുമെന്ന് ജില്ലാ കലക്ടര് ഡോ. സജിത്ത് ബാബു. രണ്ടു പേരും ഇനി ഗള്ഫ് കാണില്ല. വിലക്ക് ലംഘിച്ചാല് ഇതേ നടപടി തുടരുമെന്നും അദ്ദേഹം മാധ്യമങ്ങളോട് പറഞ്ഞു.
99.9 ശതമാനം ആളുകളും സര്ക്കാര് നിര്ദേശങ്ങള് പാലിക്കുന്നവരാണ്. എന്നാല് .01 ശതമാനം ആളുകള് സര്ക്കാര് സംവിധാനങ്ങള് പറയുന്നത് അനുസരിക്കില്ലെന്ന് നിര്ബന്ധമുള്ളവരാണ്. അവരെ അങ്ങനെ തന്ന കൈകാര്യം ചെയ്യേണ്ടി വന്നു. ഇനി അഭ്യര്ഥനകള് ഉണ്ടാകില്ലെന്നും കലക്ടര് ആവര്ത്തിച്ചു.
അവശ്യസാധനങ്ങള് ലഭിക്കാന് മുഴുവന് കടകളും നിര്ബന്ധമായി തുറക്കണമെന്ന് അറിയിപ്പ് നല്കിയിട്ടുണ്ട്. ജില്ലയില് ബേക്കറികളും തുറക്കണം. എന്നാല് ചായ, കാപ്പി, ജ്യൂസ് തുടങ്ങിയ പാനീയങ്ങള് വില്ക്കരുത്. ഒരു തരത്തിലും ഭക്ഷ്യക്ഷാമവും ഉണ്ടാകില്ല. രാവിലെ 11 മുതല് വൈകിട്ട് 5 വരെ കടകള് തുറക്കണം. മല്സ്യ, മാംസ വില്പന അനുവദിക്കുമെന്നും ആളുകൂടിയാല് അടപ്പിക്കുമെന്നും കലക്ടര് പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ