'ചിലയിടങ്ങളിൽ പൊലീസ് അതിരുവിടുന്നു; ആളുകൾ പുറത്തിറങ്ങുന്നത് കുറഞ്ഞു'- മുഖ്യമന്ത്രി

ചിലയിടങ്ങളിൽ പൊലീസ് അതിരുവിടുന്നു; ആളുകൾ പുറത്തിറങ്ങുന്നത് കുറഞ്ഞു- മുഖ്യമന്ത്രി
'ചിലയിടങ്ങളിൽ പൊലീസ് അതിരുവിടുന്നു; ആളുകൾ പുറത്തിറങ്ങുന്നത് കുറഞ്ഞു'- മുഖ്യമന്ത്രി

തിരുവനന്തപുരം: കൊറോണ വൈറസ് വ്യാപനത്തിന്റെ പശ്ചാത്തലത്തിൽ കേന്ദ്ര സർക്കാർ പ്രഖ്യാപിച്ച ലോക്ക്ഡൗൺ ഫലപ്രദമാണെന്ന് മുഖ്യമന്ത്രി പിണറായി വിജയൻ. ആളുകൾ അനാവശ്യമായി പുറത്തിറങ്ങി നടക്കുന്ന കുറയുന്ന സാഹചര്യമാണ് കാണാൻ സാധിക്കുന്നതെന്നും അദ്ദേഹം വ്യക്തമാക്കി. 

അതേസമയം ചിലയിടങ്ങളിൽ പൊലീസ് അതിരുവിടുന്നതായി ശ്രദ്ധയിൽപ്പെട്ടിട്ടുണ്ട്. ഇത്തരം സന്ദർഭങ്ങൾ ഒഴിവാക്കണമെന്ന് നിർദ്ദേശിച്ചതായി മുഖ്യമന്ത്രി പറഞ്ഞു. 

സംസ്ഥാനത്ത് ഇന്ന് 19 പേര്‍ക്ക് പുതുതായി കോവിഡ് ബാധ സ്ഥിരീകരിച്ചെന്ന് മുഖ്യമന്ത്രി പറഞ്ഞു.  സംസ്ഥാനത്ത് ആകെ കൊറോണ വൈറസ് ബാധിച്ചവരുടെ എണ്ണം 126 ആയി.

വയനാട് ജില്ലയില്‍ ആദ്യമായി ഒരാള്‍ക്കു കൊറോണ വൈറസ് ബാധ സ്ഥിരീകരിച്ചു. കണ്ണൂര്‍–9, കാസര്‍കോട്–3, മലപ്പുറം–3, തൃശൂര്‍–2, ഇടുക്കി–1 എന്നിവടങ്ങിളിലാണ് മറ്റു രോഗികള്‍. സംസ്ഥാനത്ത് ആകെ ഒരുലക്ഷത്തി ഇരുപതിനായിരത്തിമൂന്ന് പേര്‍ വീടുകളില്‍ നിരീക്ഷണത്തിലാണ്. 601 പേര്‍ ആശുപത്രിയിലും ചികിത്സയിലാണ്.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com