തൃശൂർ : ലോക്ക് ഡൗൺ പ്രഖ്യാപിച്ചതോടെ റോഡിലെ പരിശോധനയിലുള്ള പൊലീസുകാരെ കബളിപ്പിക്കാൻ ശ്രമിച്ച മധ്യവയസ്കൻ പിടിയിലായി. മദ്യം വാങ്ങാൻ ബൈക്കിൽ ഇറങ്ങിയ ആൾ പൊലീസിനെ കണ്ടതോടെ മരണവീട്ടിലേയ്ക്കാണെന്നു കള്ളം പറഞ്ഞു. സംശയം തോന്നിയ പൊലീസ് ആളറിയാതെ പിന്തുടർന്നു.
തൈക്കാട് ബിവറേജസ് കോർപറേഷന്റെ ഔട്ട്ലെറ്റിൽ നിന്ന് മദ്യക്കുപ്പിയുമായി ഇറങ്ങി വരുമ്പോൾ കയ്യോടെ പൊലീസ് സംഘം പിടികൂടുകയായിരുന്നു. കോവിഡുമായി ബന്ധപ്പെട്ട നിർദേശങ്ങൾ ലംഘിച്ചതിന് പറപ്പൂർ സ്വദേശിയായ 59 കാരനെതിരെ പൊലീസ് കേസ് രജിസ്റ്റർ ചെയ്യുകയും ചെയ്തു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ