ആലപ്പുഴ: ഹരിപ്പാട് അതിഥി തൊഴിലാളികളെ സംഘടിപ്പിക്കാൻ ശ്രമിച്ച വിഷയത്തിൽ വെൽഫെയർ പാർട്ടി നേതാവ് അറസ്റ്റിൽ. വെൽഫെയർ പാർട്ടി ആലപ്പുഴ ജില്ലാ പ്രസിഡന്റ് നാസർ ആറാട്ടുപുഴയാണ് അറസ്റ്റിലായത്.
കാർത്തികപ്പള്ളി താലൂക്കിലെ വിവിധ പ്രദേശങ്ങളിലാണ് ഇയാൾ തൊഴിലാളികളെ സംഘടിപ്പിക്കാൻ ശ്രമിച്ചത്. ആലപ്പുഴ ജില്ലാ പൊലീസ് ചീഫിന്റെ സ്പെഷൽ സ്കോഡാണ് ഇയാളെ കസ്റ്റഡിയിലെടുത്തത്.
ഐപിസി 153, 188, 269, 118ഇ വകുപ്പുകളും എപ്പിഡമിക് ഡിസീസ് ആക്ട് വകുപ്പും നാസറിനെതിരെ ചുമത്തി. കഴിഞ്ഞ നിയമസഭാ തെരഞ്ഞെടുപ്പിൽ അമ്പലപ്പുഴയിൽ നിന്ന് മത്സരിച്ചയാളാണ് നാസർ.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
