കുടിയേറ്റ തൊഴിലാളികളുടെ യാത്രാക്കൂലി നല്‍കാമെന്ന് കോണ്‍ഗ്രസ്; നിരസിച്ച് ആലപ്പുഴ ജില്ലാ കലക്ടര്‍

അന്തര്‍സംസ്ഥാന തൊഴിലാളികള്‍ക്ക് നാട്ടിലേക്ക് പോകുന്നതിനായി 10 ലക്ഷം രൂപ നല്‍കാമെന്ന വാഗ്ദാനമാണ് കലക്ടര്‍ എം.അഞ്ജന നിരസിച്ചത്.
കുടിയേറ്റ തൊഴിലാളികളുടെ യാത്രാക്കൂലി നല്‍കാമെന്ന് കോണ്‍ഗ്രസ്; നിരസിച്ച് ആലപ്പുഴ ജില്ലാ കലക്ടര്‍


ആലപ്പുഴ: കുടിയേറ്റ തൊഴിലാളികളുടെ യാത്രാക്കൂലി നല്‍കാന്‍ സന്നദ്ധത പ്രകടിപ്പിച്ച ആലപ്പുഴ ജില്ലാ കോണ്‍ഗ്രസ് കമ്മിറ്റിയുടെ വാഗ്ദാനം നിരസിച്ച് ജില്ലാ കളക്ടര്‍.

ഇതര സംസ്ഥാന തൊഴിലാളികള്‍ക്ക് നാട്ടിലേക്ക് പോകുന്നതിനായി 10 ലക്ഷം രൂപ നല്‍കാമെന്ന വാഗ്ദാനമാണ് കലക്ടര്‍ എം.അഞ്ജന നിരസിച്ചത്. ഇക്കാര്യത്തില്‍ സര്‍ക്കാരിന്റെ അനുമതി ഇല്ലെന്നും സാങ്കേതികപരമായ പ്രശ്‌നങ്ങളുണ്ടെന്നും കലക്ടര്‍ വിശദീകരിച്ചു. 

കുടിയേറ്റ തൊഴിലാളികളുടെ യാത്രാ ചെലവ് കോണ്‍ഗ്രസ് കമ്മിറ്റികള്‍ ഏറ്റെടുക്കണമെന്ന് കഴിഞ്ഞ ദിവസം പാര്‍ട്ടി അധ്യക്ഷ സോണിയാ ഗാന്ധി ആഹ്വാനം ചെയ്തിരുന്നു. ഇതിന് പിന്നാലെയാണ് ആലപ്പുഴ ഡിസിസി ഇങ്ങനെയൊരു നിലപാട് കലക്ടറെ അറിയിച്ചത്. 

നാട്ടിലേക്ക് മടങ്ങുന്ന തൊഴിലാളികള്‍ക്ക് പണം തങ്ങള്‍ കൈമാറുമെന്നും മടങ്ങുന്നവരുടെ വിവരങ്ങള്‍ക്കായി കലക്ടറെ നേരിട്ട് ബന്ധപ്പെടുമെന്നും ഡിസിസി പ്രസിഡന്റ് എം.ലിജു പറഞ്ഞിരുന്നു.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com