തൃശൂര്: മുഖ്യമന്ത്രിയുടെ ദുരിതാശ്വാസ നിധിയിലേക്ക് വിയ്യൂര് ജില്ലാ ജയിലിലെ വിചാരണ തടവുകാരന്റെ വക പതിനായിരം രൂപയുടെ സംഭാവന. വിചാരണ തടവുകാരനായ കന്യാകുമാരി പത്തരവിള തെരുവ് എ സുരേഷാണ് തന്റെ 3 മാസത്തെ ജയില് വേതനം സംഭാവനയായി നല്കിയത്.
ജയില് സൂപ്രണ്ട് പി ജെ സലീമിനൊപ്പം കളക്ടറേറ്റിലെത്തിയ സുരേഷ് കളക്ടറുടെ ചേമ്പറില് ജില്ലാ കലക്ടര് എസ് ഷാനവാസിന് ചെക്ക് കൈമാറി. എന്ഡിപിഎസ് കേസിലാണ് രണ്ടര വര്ഷം മുന്പ് വിചാരണത്തടവുകാരനായി സുരേഷ് വിയ്യൂര് ജയിലെത്തിയത്.
പത്രവാര്ത്തകള് കണ്ട് പണം നല്കാന് സുരേഷ് സന്നദ്ധത അറിയിക്കുകയായിരുന്നുവെന്ന് ജയില് സൂപ്രണ്ട് പി ജെ സലീം പറഞ്ഞു. ഡെപ്യൂട്ടി ജയില് സൂപ്രണ്ട് ശിവദാസ്, അസി. പ്രിസണ് ഓഫീസര്മാരായ ബാബുരാജ്, നവീണ് വിനീഷ് എന്നിവരും സുരേഷിനൊപ്പം ഉണ്ടായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ