തിരുവനന്തപുരം: മേയ് മാസത്തെ സാധാരണ റേഷന് വിഹിതം മേയ് 20ന് മുമ്പ് ഉപഭോക്താക്കള് കൈപ്പറ്റേണ്ടതാണെന്ന് സിവില് സപ്ലൈസ് ഡയറക്ടര് അറിയിച്ചു.
മെയ് മാസത്തില് സാധാരണ റേഷന് പുറമെ മുന്ഗണന കാര്ഡുകള്ക്കുള്ള പ്രധാനമന്ത്രി ഗരീബ് കല്യാണ് അന്ന യോജന (പി.എം.ജി.കെ.എ,വൈ) പദ്ധതി പ്രകാരമുള്ള ചെറുപയര് വിതരണം, പൊതുവിഭാഗം കാര്ഡുകള്ക്ക് 10 കിലോഗ്രാം സ്പെഷ്യല് അരി, മുന്ഗണന കാര്ഡുകള്ക്കുള്ള പി.എം.ജി.കെ.എ,വൈഅരി, ചെറുപയര് എന്നിവയും പൊതുവിഭാഗങ്ങള്ക്കുള്ള സൗജന്യ ഭക്ഷ്യ കിറ്റും വിതരണം ചെയ്യേണ്ടതുണ്ട്. ഇവ സ്റ്റോക്ക് ചെയ്യാന് റേഷന് കടകളില് സ്ഥലപരിമിതി ഉണ്ടാവുന്നതിനാലാണ് 20ന് മുമ്പായി റേഷന് വാങ്ങാന് നിര്ദേശം.
മുന്ഗണനേതര (സബ്സിഡി) വിഭാഗത്തിന് (നീല കാര്ഡ്) സൗജന്യ പലവ്യഞ്ജന കിറ്റുകള് എട്ടു മുതല് റേഷന് കടകളിലൂടെ വിതരണം ചെയ്യും. റേഷന് കാര്ഡ് നമ്പരുകളുടെ അവസാന അക്കം കണക്കാക്കി തിയതി ക്രമീകരിച്ചിട്ടുണ്ട്. എട്ടിന് കാര്ഡിന്റെ അവസാന അക്കം പൂജ്യത്തിനും, ഒന്പതിന് 1, 11ന് 2, 3, 12ന് 4, 5, 13ന് 6, 7, 14ന് 8, 9 എന്നിങ്ങനെയാണ് കിറ്റ് വിതരണം. മേയ് 15 മുതല് മുന്ഗണന ഇതര (നോണ് സബ്സിഡി) വിഭാഗത്തിന് (വെള്ളകാര്ഡുകള്ക്ക്) കിറ്റ് വിതരണം ചെയ്യും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ