കൊച്ചി: മാലദ്വീപിൽ നിന്ന് കപ്പലിൽ കൊച്ചിയിലെത്തിയ യുവതി പ്രസവിച്ചു. തിരുവല്ല സ്വദേശിയും മാലദ്വീപിൽ നഴ്സുമായ സോണിയ ജോസഫാണ് കൊച്ചിയിലെ സ്വകാര്യ ആശുപത്രിയിൽ വൈകീട്ട് ആറ് മണിയോടെ ആൺ കുഞ്ഞിന് ജന്മം നൽകിയത്. കപ്പലിൽ നിന്ന് ഇറങ്ങവേ പ്രസവ വേദന ഉണ്ടായതിനെ തുടർന്ന് ആശുപത്രിയിലേക്ക് കൊണ്ടു പോകുകയായിരുന്നു.
പ്രസവത്തിനായി നാട്ടിലേക്ക് വരാനിരിക്കെയാണ് ലോക്ക്ഡൗൺ പ്രഖ്യാപിച്ചത്. നാട്ടിലേക്ക് എത്താനാകുമോ എന്ന ആശങ്കയിലായിരുന്നു ഇവർ. അതിനിടെയാണ് നാവിക സേനയുടെ കപ്പൽ വരുന്നത് അറിയുന്നതും അതിൽ നാട്ടിലേക്ക് തിരിച്ചതും.
കൊച്ചിയിലെത്തി എമിഗ്രേഷൻ നടപടികൾ പൂർത്തിയാക്കുന്ന സമയത്താണ് സോണിയക്ക് പ്രസവ വേദന അനുഭവപ്പെട്ടത്. ഉടൻ തന്നെ ഇവരെ മട്ടാഞ്ചേരി താലൂക്ക് ആശുപത്രിയിലേക്ക് കൊണ്ടു വന്നു. അവിടെ നിന്നാണ് സ്വകാര്യ ആശുപത്രിയിലേക്ക് മാറ്റിയത്. സോണിയയുടെ ഭർത്താവുൾപ്പെടെയുള്ളവർ ഒപ്പമുണ്ടായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
