തിരുവനന്തപുരം: സംസ്ഥാനത്ത് ഇന്ന് അഞ്ചുപേര്‍ക്ക് കോവിഡ് 19 സ്ഥിരീകരിച്ചു. മലപ്പുറം മൂന്ന്, പത്തനംതിട്ട, കോട്ടയം ഓരോന്നുവീതം എന്നിങ്ങനയൊണ് കണക്ക്. ഇവരില്‍ നാലുപേര്‍ വിദേശത്ത് നിന്നു വന്നവരാണ്. ഒരാള്‍ ചെന്നൈയില്‍ നിന്നെത്തിയതാണ്. സംസ്ഥാനത്ത് ഇതുവരെ 524പേര്‍ക്ക് രോഗം സ്ഥിരീകരിച്ചു. 32പേരാണ് ചികിത്സയിലുള്ളത്.
മലപ്പുറത്ത് രോഗം സ്ഥിരീകരിച്ചതില്‍ ഒരാള്‍ ഗര്‍ഭിണിയാണ്. കുവൈത്തില്‍ നിന്നെത്തിയതാണ് യുവതി. കോട്ടയത്ത് രണ്ടര വയസ്സുകാരനാണ് രോഗം സ്ഥിരീകരിച്ചത്. കുവൈത്തില്‍ നിന്ന് എത്തിയതാണ് കുട്ടി. കുഞ്ഞിന്റെ അമ്മയുടെ സാമ്പിള്‍ പരിശോധയ്ക്ക് അയച്ചിട്ടുണ്ട്.
31616 പേര്‍ നിരീക്ഷണത്തിലാണ്. 31143പേര്‍ വീടുകളിലും 473പേര്‍ ആശുപത്രികളിലും നിരീക്ഷണത്തിലാണ്. 95പേരെ ഇന്ന് ആശുപത്രിയില്‍ പ്രവേശിപ്പിച്ചു. 38547 സാമ്പിളുകള്‍ പരിശോധിച്ചതില്‍ 37727 രോഗമില്ലെന്ന് കണ്ടെത്തി. മുന്‍ഗണന വിഭാഗത്തില്‍ 3916 സാമ്പിളുകള്‍ പരിശോധിച്ചതില്‍ 3794പേരുടെ ഫലം നെഗറ്റീവാണ്. സംസ്ഥാനത്ത് 34 ഹോട്ട്‌സ്‌പോട്ടുകളുണ്ട്. തിരുവനന്തപുരം ആലപ്പുഴ കൊല്ലം ജില്ലകളില്‍ ആരും ചികിത്സയിലില്ലെന്ന മുഖ്യമന്ത്രി പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
