കോഴിക്കോട്: ജില്ലയില് ഇന്ന് കോവിഡ്19 സ്ഥിരീകരിച്ചത് രണ്ടുപേര്ക്ക്. ചെന്നൈയില്നിന്ന് വന്ന് മാനന്തവാടിയില് കോവിഡ്19 സ്ഥിരീകരിച്ചയാള്ക്കൊപ്പം ഉണ്ടായിരുന്ന കോടഞ്ചേരി സ്വദേശി, കുവൈത്തില് നിന്നെത്തിയ 43 കാരനായ കൊയിലാണ്ടി സ്വദേശി എന്നിവര്ക്കാണ് ഇന്ന് രോഗം സ്ഥിരീകരിച്ചത്.
കൊയിലാണ്ടി സ്വദേശി മെയ് 13ന് കുവൈത്തില് നിന്നും കരിപ്പൂര് വിമാനത്താവളത്തില് എത്തിയതാണ്. അവിടെ നിന്ന് പരിശോധനയില് രോഗലക്ഷണങ്ങള് കണ്ടതിനെ തുടര്ന്ന് മെഡിക്കല് കോളേജില് പ്രവേശിപ്പിക്കുകയും സ്രവ പരിശോധനയില് രോഗം സ്ഥിരീകരിക്കുകയും ചെയ്തു.
കോടഞ്ചേരി സ്വദേശി മെയ് ഏഴിന് ചെന്നെയില് നിന്നു കാര് മാര്ഗ്ഗം കോടഞ്ചേരിയില് എത്തുകയും കൊറോണ കെയര് സെന്ററില് ക്വാറന്റൈനില് പ്രവേശിക്കുകയും ചെയ്തു. ഇയാളുടെ കൂടെ സഞ്ചരിച്ച ആള് മാനന്തവാടിയില് പോസിറ്റീവ് ആയതിനെ തുടര്ന്ന് സ്രവ പരിശോധന നടത്തുകയും പോസിറ്റീവ് സ്ഥിരീകരിച്ചതിനെ തുടര്ന്ന് മെഡിക്കല് കോളേജില് പ്രവേശിപ്പിക്കുകയും ചെയ്തു. രണ്ടു പേരുടെയും ആരോഗ്യനില തൃപ്തികരമാണ്.
ഇതോടെ ജില്ലയില് കോവിഡ് സ്ഥിരീകരിച്ചവരുടെ ആകെ എണ്ണം 28 ആയി. ഇതില് 24 പേര് നേരത്തെ അസുഖം ഭേദമായി ആശുപത്രി വിട്ടിരുന്നു. നാല് പേരാണ് ഇപ്പോള് പോസിറ്റീവായി തുടരുന്നത്. ഇതുകൂടാതെ കോവിഡ് സ്ഥിരീകരിച്ച ഒരു മലപ്പുറം സ്വദേശിയും മെഡിക്കല് കോളേജിലുണ്ട്.
ഇന്ന് 66 സ്രവ സാംപിള് പരിശോധനയ്ക്ക് അയച്ചിട്ടുണ്ട്. ആകെ 2681 സ്രവ സാംപിളുകള് പരിശോധനയ്ക്ക് അയച്ചതില് 2567 എണ്ണത്തിന്റെ ഫലം ലഭിച്ചു. ഇതില് 2,532 എണ്ണം നെഗറ്റീവ് ആണ്. 114 പേരുടെ പരിശോധനാ ഫലം കൂടി ലഭിക്കാനുണ്ട്.
ജില്ലയില് പുതുതായി വന്ന 552 പേര് ഉള്പ്പെടെ ഇപ്പോള് 4,821 പേര് നിരീക്ഷണത്തിലുള്ളതായി ജില്ലാ മെഡിക്കല് ഓഫീസര് ഡോ. ജയശ്രീ. വി. അറിയിച്ചു. ഇതുവരെ 23,271 പേര് നിരീക്ഷണം പൂര്ത്തിയാക്കി. ഇന്ന് വന്ന 17 പേര് ഉള്പ്പെടെ 35 പേരാണ് മെഡിക്കല് കോളേജ് ആശുപത്രിയില് നിരീക്ഷണത്തിലുള്ളത്. 15 പേര് ആശുപത്രി വിട്ടു.
ജില്ലയില് ഇന്ന് വന്ന ഒരാള് ഉള്പ്പെടെ ആകെ 385 പ്രവാസികളാണ് നിരീക്ഷണത്തിലുള്ളത്. ഇതില് 159 പേര് ജില്ലാ ഭരണകൂടത്തിന്റെ കോവിഡ് കെയര് സെന്ററിലും 211 പേര് വീടുകളിലുമാണ്. 15 പേര് ആശുപത്രിയില് നിരീക്ഷണത്തിലാണ്. വീടുകളില് നിരീക്ഷണത്തിലുള്ളവരില് 57 പേര് ഗര്ഭിണികളാണ്
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ