42 ദിവസം കോവിഡ് ഐസിയുവിൽ, ഹൃദയാഘാതവും വെല്ലുവിളിയായി; ഒടുവിൽ കണ്ണൂരിലെ 81കാരന് രോഗമുക്തി
കണ്ണൂർ: കണ്ണൂർ ഗവ. മെഡിക്കൽ കോളജിൽ ചികിത്സയിലായിരുന്ന ചെറുവാഞ്ചേരി സ്വദേശി കോവിഡ് ഭേദമായി ആശുപത്രി വിട്ടു. 42 ദിവസത്തെ ആശുപത്രി വാസത്തിനു ശേഷമാണ് 81കാരനായ രോഗി വീട്ടിലേക്ക് മടങ്ങിയത്. 16 തവണയാണ് അദ്ദേഹത്തിന്റെ സ്രവ പരിശോധന നടത്തിയത്. രണ്ട് പരിശോധനാ ഫലങ്ങൾ നെഗറ്റീവായതിന് ശേഷമാണ് അദ്ദേഹത്തെ ഇന്ന് ഡിസ്ചാർജ്ജ് ചെയ്തത് എന്ന് മുഖ്യമന്ത്രി അറിയിച്ചു.
ശ്വാസകോശ സംബന്ധമായ അസുഖം മൂലം ദീർഘനാളായി വീട്ടിൽ നിന്നുതന്നെ ദിവസവും 15 മണിക്കൂറോളം പ്രത്യേകമായി ഓക്സിജൻ സ്വീകരിക്കേണ്ടിവന്നിരുന്ന ഘട്ടത്തിലായിരുന്നു അദ്ദേഹം. ഈ സാഹചര്യത്തിലാണ് കോവിഡ് വൈറസ് ബാധയുമുണ്ടായത്. ഹൃദയസംബന്ധമായ ചികിത്സയ്ക്കൊപ്പം പ്രായാധിക്യം കൊണ്ടുള്ള മറ്റ് പ്രശ്നങ്ങളും രോഗിക്കുണ്ടായിരുന്നു.
ചികിത്സയ്ക്കിടെ ഹൃദയാഘാതം സംഭവിച്ചെങ്കിലും രക്ഷപ്പെടുത്താൻ കഴിഞ്ഞെന്നും മുഖ്യമന്ത്രി അറിയിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ