കേരളം
മഹാരാഷ്ട്രയിൽ നിന്നെത്തിയവരെ പാസില്ലാതെ അതിർത്തി കടത്തി; കാസർക്കോട് കോൺഗ്രസ് നേതാവിനെതിരെ കേസ്
മഹാരാഷ്ട്രയിൽ നിന്നെത്തിയവരെ പാസില്ലാതെ അതിർത്തി കടത്തി; കാസർക്കോട് കോൺഗ്രസ് നേതാവിനെതിരെ കേസ്
കാസർക്കോട്: പാസില്ലാതെ കാസർക്കോട് ആളെ അതിർത്തി കടത്തി. കർണാടകയിൽ നിന്ന് കേരളത്തിലേക്ക് ആളെ കടത്തിയ സംഭവത്തിൽ കോൺഗ്രസ് പഞ്ചായത്തംഗത്തിനെതിരെ പൊലീസ് കേസെടുത്തു. ദേലംപാടി പഞ്ചായത്തിലെ 16ാം വാർഡംഗം കൊറഗപ്പാ റായ്ക്കെതിരെയാണ് കേസ്.
മഹാരാഷ്ട്രയിൽ നിന്നെത്തിയ ആളെ കർണാടകത്തിലെ സുള്ള്യയിൽ നിന്നാണ് ഇയാൾ അതിർത്തി കടത്തിയത്. കേരളത്തിലേക്ക് കടക്കാനുള്ള പാസ് ഇവരുടെ കൈവശമില്ലായിരുന്നു. ഇയാളെ തടഞ്ഞെങ്കിലും പഞ്ചായത്തംഗം എന്ന അധികാരം കർണാടക അതിർത്തിയിൽ ഉപയോഗപ്പെടുത്തി ഇയാൾ കടന്നു വരികയായിരുന്നു.
തുടർന്ന് പൊലീസ് പരിശോധന ഇല്ലാതിരുന്ന കാട്ടുവഴിയിലൂടെയാണ് ദേലംപാടിയിലെത്തിയത്. ഇരുവരെയും ഇപ്പോൾ ക്വാറന്റൈനിലാക്കിയിരിക്കുകയാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ