സര്‍വീസ് നടത്തുക 1750 കെഎസ്ആര്‍ടിസി ബസുകള്‍; പ്രീപെയ്ഡ് കാര്‍ഡ് നാളെമുതല്‍; പ്രവേശനം പുറകുവശത്തുകൂടി മാത്രം, ഇറങ്ങുന്നത് മുന്‍വശംവഴി

രാവിലെ 7.30 മുതല്‍ 10.30 വരെയും വൈകുന്നേരം നാലു മുതല്‍ ഏഴ് വരെയുമാണ് സര്‍വീസ് നടത്തുക.
സര്‍വീസ് നടത്തുക 1750 കെഎസ്ആര്‍ടിസി ബസുകള്‍; പ്രീപെയ്ഡ് കാര്‍ഡ് നാളെമുതല്‍; പ്രവേശനം പുറകുവശത്തുകൂടി മാത്രം, ഇറങ്ങുന്നത് മുന്‍വശംവഴി

തിരുവനന്തപുരം: സംസ്ഥാനത്ത് നാളെമുതല്‍ 1750 കെഎസ്ആര്‍ടിസി ബസുകള്‍ ഓടിത്തുടങ്ങുമെന്ന് മന്ത്രി ഗതാഗത എ കെ ശശീന്ദ്രന്‍. ആറ്റിങ്ങല്‍, തിരുവനന്തപുരം സെക്ടറുകളില്‍ പ്രീപെയ്ഡ് കാര്‍ഡ് നാളെമുതല്‍ നടപ്പാക്കും. രാവിലെ 7 മുതല്‍ വൈകുന്നേരം ഏഴ് വരെയാണ് സര്‍വീസ് നടത്തുക. 

പ്രതിദിനം 5.5 ലക്ഷം കിലോമീറ്റര്‍ സര്‍വീസ് നടത്തിയാല്‍ മതിയെന്നാണ് തീരുമാനം. കോവിഡ് പ്രതിസന്ധിയുടെ പശ്ചാത്തലത്തില്‍ വര്‍ദ്ധിപ്പിച്ച നിരക്കുമായാണ് സര്‍വീസ് പുനരാരംഭിക്കുക. മിനിമം ചാര്‍ജ് 12 രൂപയായാണ് വര്‍ധിപ്പിച്ചത്.

23 മുതല്‍ 27വരെ യാത്രക്കാരെ മാത്രമേ ഒരു ബസില്‍ കയറ്റു. ബസിന്റെ പുറകുവശത്ത് കൂടി മാത്രമേ യാത്രക്കാരെ പ്രവേശിപ്പിക്കുള്ളു. മുന്‍വാതിലിലൂടെ മാത്രമേ പുറത്തിറങ്ങാന്‍ അനുവദിക്കുള്ളു. 

ഓര്‍ഡിനറി ആയി മാത്രമേ സര്‍വീസ് നടത്തുള്ളു. യാത്രക്കാര്‍ നിര്‍ബന്ധമായും മുഖാവരണം ധരിക്കേണ്ടതാണ്. സാനിടൈസര്‍ ഉപയോഗിച്ച് കൈകള്‍ ശുചിയാക്കിയ ശേഷം മാത്രമേ ബസിനകത്ത് പ്രവേശിക്കാന്‍ പാടുള്ളു.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com