കോഴിക്കോട്: കോഴിക്കോട് ക്ലിനിക്ക് നടത്തുന്ന കർണാടക സ്വദേശിനിയായ ഡോക്ടർക്കു കോവിഡ് സ്ഥിരീകരിച്ചു. ഇതോടെ താമരശേരിയിലെ ക്ലിനിക്കിലെ ജീവനക്കാരെ നിരീക്ഷണത്തിലാക്കി.
ഈ മാസം അഞ്ചിനാണ് ഡോക്ടർ കർണാടകയിലേക്കു പോയത്. അവിടെ നടത്തിയ പരിശോധനയിലാണ് കോവിഡ് സ്ഥിരീകരിച്ചത്. രോഗം പകർന്നത് കേരളത്തിൽ നിന്നാണെന്ന് സംശയിക്കുന്നതായി ഡോക്ടർ പറയുന്നു.
കർണാടകത്തിൽ എത്തിയതിനു ശേഷം റൂം ക്വാറന്റൈനിൽ ആയിരുന്നു. കർണാടകത്തിൽ സമ്പർക്കം ഉണ്ടായിട്ടില്ലെന്നും ഡോക്ടർ പറഞ്ഞു. ഡോക്ടറെ കൊണ്ടുപോയ ഡ്രൈവറും നിരീക്ഷണത്തിലാണ്. ക്ലിനിക്കിലെ ആറ് ജീവനക്കാരെയാണ് നിരീക്ഷണത്തിലാക്കിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ