റിയാദ്: കോവിഡ് സ്ഥിരീകരിച്ച മലയാളി നഴ്സ് റിയാദില് മരിച്ചു.സ്വകാര്യ ക്ലിനിക്കിലെ സ്റ്റാഫ് നഴ്സായ കൊല്ലം ചീരങ്കാവ് എഴുകോണ് സ്വദേശിനി ലാലി തോമസ് പണിക്കര് (54) ആണ് മരിച്ചത്. ബത്ഹയ്ക്ക് സമീപം ഗുബേരയിലെ ഫ്ലാറ്റില് ബുധനാഴ്ചയാണ് മരണം സംഭവിച്ചത്.
രണ്ടുദിവസം മുമ്പാണ് ഇവര്ക്ക് കോവിഡ് ലക്ഷണങ്ങള് പ്രകടമായത്. തുടര്ന്ന നടന്ന ടെസ്റ്റില് ബുധനാഴ്ച രോഗം പോസിറ്റിവാണെന്ന് കണ്ടെത്തി. വൈകിട്ടോടെ ശ്വാസതടസ്സം അനുഭവപ്പെട്ടു. ആരോഗ്യവകുപ്പിന്റെ എമര്ജന്സി നമ്പറില് ബന്ധപ്പെട്ടെങ്കിലും ഇവര് എത്തുന്നതിന് മുമ്പ് മരണം സംഭവിച്ചു. ഭര്ത്താവ് തോമസ് മാത്യു റിയാദില് ഒപ്പമുണ്ട്. മകള് മറിയാമ്മ തോമസ് നാട്ടിലാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ